वीरगंज (पर्सा), १३ असोज / सखुवा प्रसौनी घटनामा निर्दोषलाई फसाउने षड्यन्त्र भईरहेको समाचार प्राप्त भएको छ । असोज ९ गते पर्साको सखुवा प्रसौनी गाउँपालिकामा भएको कुटपिट, झडप, टोडफोड र आगजनीको घटनामा निर्दोषलाई फसाउने षड्यन्त्र भईरहेको बुझिएको हो । गाउँपालिका कार्यालयमा वडा नं. ५ बलुवा निवासी बुलेट गिरी भनिने दीपरन्जन गिरीलाई गाउँपालिका अध्यक्ष जसवन्त यादवका भाई बलवन्त यादव र अभिताबच्चन भनिने ब्यक्तिले कुटपिट गरेका थिए ।
गाउँपालिकाको स्कार्पियो गाडी दुरुपयोग बारे सामाजिक संजालमा गरेको टिप्पणिको विषलाई लिएर गाउँपालिका अध्यक्षका भाई बलवन्तसहितका व्यक्तिबाट गिरी कुटिए पछि सुरुमा गाउँपालिकामा दुई पक्ष बिच झडप भएको थियो । गाउँपालिका अध्यक्ष यादव र बालुवा गाउँका स्थानिय बिच भएको झडपमा केही ब्यक्तिहरु घाइते समेत भएका थिए । त्यसपछि गाउँपालिका अध्यक्ष दलबलका साथ बलुवा भएर घर फर्कने क्रममा पुन झडप हुँदा गाउँपालिकाको गाडीमा तोडफोड समेत भएको थियो । त्यसको केही समय पछि गाउँपालिका अध्यक्ष यादवको ना २ च ८६६ नम्बरको निजी कारमा समेत आगजनी भएको थियो । सो आगजनी अध्यक्ष यादव पक्षधरले आफै गरेको स्थानियहरुको भनाई छ ।
सोहि घटनामा राजनितिक पुर्वाग्रहका कारण घटना स्थल मै नभएका ब्यक्तिहरु समेतको नाम राखी मुद्दा दर्ता गराएर फसाउने षड्यन्त्र भईरहेको वताइएको छ । दुबै घटना स्थल मध्ये कुनै ठाउँमा पनि नभएका पर्सा क्षेत्र न ३ “क” बाट जसपाका प्रदेश सभा सदस्य पदका सम्भावित उम्मेदवार प्रमोद कुमार जयसवाल समेतलाई फसाउन खोजिएको वताइएको छ । राजनितिक पुर्वाग्रहका कारण घटनामा संलग्न् नरहेको व्यक्तिको नामसमेत राखेर जाहेरी परेकोले प्रहरीले निश्पच्छ अनुसन्धान गर्नु पर्ने स्थानियहरुले वताएका छन् ।
प्रतिक्रिया दिनुहोस् !