वीरगन्ज (पर्सा), ५ जेठ / वीरगन्ज महानगरपालिकाको मेयरमा जसपाका राजेशमान सिंहको अग्रता कायमै रहेको छ । शुरुवातिदेखि नै अग्रता कायम गर्दै आएका जपसाले हाल ३१ हजार ७०१ वटा मतगणनासम्म आफ्नो अग्रतालाई कायमै राखेको छ ।
पछिल्लो ताजा मतगणना अनुसार सिंहले १७ हजार २ मतका साथ आफ्नो अग्रतालाई निरन्तरता दिएका छन् । त्यस्तै उनका निकटतम् प्रतिद्वन्द्धी नेकपा (एमाले) का विजय कुमार सरावगीले ८ हजार ६५७ मतका साथ सिहंलाई पछ्याइरहेका छन् । यता राप्रपाको गिरिश गिरीले ७७९ मत प्राप्त गरेका छन् ।
त्यस्तै वीरगन्ज महानगरपालिकाको उपमेयरमा भने नेपाली कांग्रेसका इम्तियाज आलमले अग्रता कायमै राखेका छन् । उनले १२ हजार १४८ मत प्राप्त गरेका छन् ।
उनलाई पछ्याई रहेका लोसपाका पुरुषोत्तमलाल झाले २ हजार ४८१ मत प्राप्त गरेका छन् भने राप्रपाकी विना जयसवार (कुर्मी) ले १ हजार ३२९ मत प्राप्त गरेकी छिन् ।
यसैगरि उपमेरका स्वतन्त्र उम्मेदवार रम्भा मिश्राले १ हजार ८३८ मत प्राप्त गरेकी छिन् । वीरगन्ज महानगरपालिकाको वडा नं. १, २, ३, ४, ५, २७, २८, २९, ३०, ३१ र ३२ को ३१ हजार ७०१ मतगणना हुँदासम्म मेयर पदमा २६ हजार ५९० मत सदर भएको छ भने ५ हजार १११ मत बदर भएको छ । यसैगरि उपमेयरमा १८ हजार ५० मत सदर भएको छ भने १३ हजार ६५१ मत बदर भएको छ ।
प्रतिक्रिया दिनुहोस् !