वीरगन्ज (पर्सा), २ जेठ / वीरगञ्ज महानगरपालिकाको मेयरमा जसपाका राजेशमान सिंहको अग्रता कायमै रहेको छ । पछिल्लो ताजा मतगणना अनुसार सिंहले ५ हजार ८ सय २७ मतका साथ आफ्नो अग्रतालाई निरन्तरता दिएका छन् ।
त्यस्तै निकटतम् प्रतिद्वन्द्धी नेकपा (एमाले) का विजय कुमार सरावगीले २ हजार ५ सय ७३ मतका साथ सिहंलाई पछ्याइरहेका छन् । यता राप्रपाको गिरिश गिरीले १ सय ९० मत प्राप्त गरेका छन् ।
त्यस्तै वीरगञ्जको उपमेयरमा भने नेपाली कांग्रेसका इम्तियाज आलमले अग्रता कायमै राखेका छन् । उनले ३ हजार ७ सय २६ मत प्राप्त गरेका छन् । उनलाई पछ्याई रहेका लोसपाका पुरुषोत्तमलाल झाले ६ सय ३३ मत प्राप्त गरेका छन् भने राप्रपाकी विना जयसवार (कुर्मी) ले ३ सय ५ मत प्राप्त गरेकी छिन् ।
यसैगरि उपमेरका स्वतन्त्र उम्मेदवार रम्भा मिश्राले ४ सय ३७ मत प्राप्त गरेकी छिन् ।
प्रतिक्रिया दिनुहोस् !