राजदुत बन्न प्रमलाई म्यासेज पठाउने सचिव कृष्णहरि पुस्कर प्रहरी फन्दामा

काठमाडौँ, २२ जेठ । उपराष्ट्रपति कार्यालयका सचिव कृष्णहरि पुष्करले प्रधानमन्त्री बालेन शाहलाई मुख्यसचिवदेखि राजदूत बन्नका लागि सहयोग माग गर्दै म्यासेज गरेपछि प्रहरीको फन्दामा परेका छन् । प्रधानमन्त्रीलाई म्यासेज गरेको पाइएपछि बिहीबार पुस्करलाई काठमाडौं उपत्यका अपराध अनुसन्धान कार्यालयले नियन्त्रणमा लिएर केरकार गरेको थियो ।

लामो केरकार गरेपछि पुस्करलाई प्रहरीले उनकी श्रीमतीको जिम्मा लगाएर छाडेको छ । उनले प्रधानमन्त्रीलाई पठाएको म्यासेजमा हजुरको विशेष ध्यान भएमात्रै मुख्यसचिवमा सम्भावना रहेको नत्र कुनै सम्भावना नरहेको उल्लेख गरेका छन् । मुख्य सचिव हुन नसकेको अवस्थामा २४ असारमा उनी अवकाशमा जाने निश्चित छ । त्यसैले राजदूतका लागि पनि पुष्करले फारम भरेको पाइएको छ । उक्त कुरा उनले म्यासेजमै उल्लेख गरेका थिए ।