वीरगंज (पर्सा), ८ वैशाख । पछिल्ला केही दिनयता बढ्दो तापक्रमका कारण विशेषगरी मधेश प्रदेशका जिल्लाहरूमा गर्मी अत्यधिक बढ्दै गएको छ । जल तथा मौसम विज्ञान विभागका अनुसार तराई क्षेत्र, विशेषतः मधेशका भू–भागमा तातो हावा ‘लु’ चल्ने जोखिम बढेको छ ।
सोमबार दिउँसो सार्वजनिक गरिएको तथ्याङ्कअनुसार कपिलवस्तु मा तापक्रम ४१ डिग्री सेल्सियस पुगेको छ भने बाँके मा ३९ डिग्री सेल्सियस मापन गरिएको छ । मधेश प्रदेशसहित तराईका अधिकांश क्षेत्र, उपत्यका र खोँचहरूमा दिनदिनै गर्मी तीव्र बन्दै गएको विभागले जनाएको छ । यस्तै हिजो दिउँसो वीरगन्जको तापक्रम ३५ डिग्री मापन गरिएको थियो ।
मौसमविद् सञ्जिव अधिकारीका अनुसार भोलि बुधवारसम्म मधेस प्रदेशलगायत तराई क्षेत्रमा तातो हावाको लहर जारी रहने सम्भावना छ ।
प्रतिक्रिया दिनुहोस् !