वीरगंज (पर्सा), २७ असोज । बडादशैंलाई लक्षित गर्दै नेपाल राष्ट्र बैंक, वीरगंजले सर्वसाधारणका लागि नयाँ नोट वितरण सुरु गरेको छ । दशैंमा टीका लगाउँदा दक्षिणाका रूपमा नयाँ नोट दिने परम्परालाई ध्यानमा राख्दै बैंकले प्रतिव्यक्ति १८ हजार ५०० रुपैयाँका दरले नयाँ नोट साट्ने व्यवस्था मिलाएको हो ।
नयाँ नोट साट्न आउने सेवाग्राहीको चापलाई मध्यनजर गर्दै बैंकले ज्येष्ठ नागरिक तथा अपाङ्गता भएका व्यक्तिका लागि नियमित काउन्टरबाहेक थप तीनवटा छुट्टै काउन्टर सञ्चालनमा ल्याएको छ । नेपाल राष्ट्र बैंक, वीरगंजका प्रमुख सञ्जीव झाले सेवाग्राहीलाई सहज, व्यवस्थित र छिटो सेवा उपलब्ध गराउने उद्देश्यले विशेष काउन्टरको व्यवस्था गरिएको जानकारी दिए ।
दशैंमा टीका लगाउँदा दक्षिणाका रूपमा नयाँ नोट दिने प्रचलनका कारण हरेक वर्ष यस समयमा नोट साट्ने सर्वसाधारणको चाप बढ्ने गर्छ । डिजिटल भुक्तानी गर्दा आफ्नो गोप्य पिन, ओटीपी तथा पासवर्ड अरूलाई नदिन र कारोबार पूरा गर्नुअघि भुक्तानीसम्बन्धी विवरण राम्ररी पुष्टि गर्न पनि सर्वसाधारणलाई सचेत गराइएको छ । 
प्रतिक्रिया दिनुहोस् !