वीरगंज (पर्सा), ६ वैशाख । भोली बैशाख ७ गते सोमवार अक्षय तृतियाको अवसर पारेर धेरैजनाको बैवाहिक कार्यक्रम तय भएको छ । यसैविच वीरगंज मुख्य सडक क्षेत्र विस्तारको क्रममा विजुली अवरुद्ध भएपछि कार्यक्रम कसरी गर्ने भन्ने चिन्तामा सम्बन्धीत घर परिवारहरू परेका छन् । बाहिरबाट वीरगंज जन्ती आउने र वीरगंजबाट बाहिर जन्ति जाने दुवै पक्षलाई समस्या थपिएको छ ।
बिजुली, पानी, सञ्चार र सडक अभावका कारण कार्यक्रम व्यवस्थापन गर्न अप्ठ्यारो भएको हो । प्रचण्ड गर्मीको समयमा बैवाहिक कार्यक्रमका लागि आउने पाहुना तथा आफन्तजन व्यवस्थापन गर्न समेत समस्या भएपछि कार्यक्रम गरौं कि के गरौं भन्ने दोधारमा परेको वीरगंज छकपकैया निवासी रमेश कुमारले गुनासो पोखेका छन् ।
यसैबीच विद्युत प्रतिकरणले सुचना जारि गरि दुइ दिनसम्म सेवा अनियमित हुने जनाएको छ । पानीको अभाव क्षेत्रमा महानगरपालिकाले टयाँकीमा पानी पुर्याइदिनु पर्ने र इन्टरनेट सेवा नभएको स्थानमा सेवा प्रदायक कम्पनीले अस्थाइ तार विहीन टावर राखेर भएपनि सेवा सञ्चानल गर्नु पर्ने सेवाग्राहीहरूको माग छ ।
यसैविच सडक फराकिलो पार्ने अभियान टोलीका सदस्यहरूले विजुलीको तारमा जस्तो इन्टरनेटको तारमा जोखिम नहरहेको र केही स्थानमा बाहेक इन्टरनेटको तार नकाटिएको बताएको छ । सेवा प्रदायक कम्पनीले सेवा प्रवाहमा तदारुकता नदेखाएको स्थानीयको गुनासो छ ।
प्रतिक्रिया दिनुहोस् !