वीरगंज (पर्सा), ४ वैशाख । पर्साको कालिकामाई गाउँपालिका वडा नं ५ बिरंचीबर्वा स्वास्थ चौकिको नयाँ भवनमा शुक्रबार ओपिडी सेवाको उद्घाटन भएको छ । वडा नं. ५ का वडाध्यक्ष जयनारायण प्रसाद कुर्मीले ओपिडी सेवाको उद्घाटन गरेका छन् । उद्घाटन कार्यक्रममा बोल्दै वडाध्यक्ष कुर्मीले यहाँ कार्यरत स्वास्थ्यकर्मीहरुले जनताहरुको सेवामा कुनै लापरवाही नगरि जनताको सेवामा लाग्न आग्रह गरेका थिए ।
यहाँको उपचारलाई प्रभावकारी बनाई अन्यत्र जानुपर्ने अवस्थाको अन्त्य गर्नुपर्ने भन्दै वडाध्यक्ष थारुले यस ग्रामीण क्षेत्रका जनताहरु स्वास्थ्य सेवा पाउन सदरमुकाम धाउनुपर्ने बाध्यता रहेकोले गाउँमै सेवालाई प्रभावकारी बनाउनुपर्नेमा जोड दिएका थिए । यस अस्पतालमा मेडिकल अफिसर राखिएको छ, जसले गर्दा उपचार प्रभावकारीहुने विश्वास व्यक्त गरे ।
स्वास्थ्य चौकीमा महिलाहरुको लागि अल्ट्रासाउन्ड निःशुल्क ब्यवस्था गरिएको छ । ईसिजी सेवा, लगायत दक्ष अनमीहरु ब्यवस्थापन गरिएको छ । स्वास्थ्य चौकीको लागि गाउँपालिका र वडा कार्यालयबाट औषधी लगायत अन्य समाग्रीको लागि बजेट राखेको वडाध्यक्ष कुर्सीले बताए ।
कार्यक्रममा दिब्य युवा कल्बका कोषाध्यक्ष देवनाथ ठाकुरले बिरन्चीबर्वा नमुना स्वास्थ्य चौकी रहेको भन्दै यहाँको स्वास्थ्यकर्मीहरुले दिनेगरेको सेवाबाट प्रभावित भई विरामीहरु अन्यत्र जाने क्रममा कमि भएको बताए । उपचार प्रभावकारी हुँदा यस क्षेत्रका विरामीहरु अन्यत्र जाँदैनन्, समय र खर्चको पनि बचत हुने भन्दै ठाकुरले गाउँपालिका र वडाबाट स्वास्थ्य चौकीमा सहयोग गरिएकोमा धन्यवाद व्यक्त गरे ।
कार्यक्रममा एम.बि.बि.एस. स्वास्थ्यकर्मी तेजनाथ तिवारीले गाउँघरका जनताहरुलाई सेवा गर्न मौका पाएकोमा आफूलाई भर्गान्वित महसुस भएको बताए । आफ्नो जीवनमा पहिलो प्राथमिकता दलित, गरिब, अशक्त लगायत सम्पुर्ण जनसमुदाय रहेकोले खुशी व्यक्त गरे । आफू सदरमुकाम वीरगंजमा बस्दा पनि गाउँघरमा गरिब, विपन्न परिवारलाई सहयोग गर्दै आएको भन्दै तिवारीले यहाँको जनताको सेवाको लागि आफू सक्दो सहयोग गर्ने प्रतिबद्धता व्यक्त गरे ।
कार्यक्रममा गाउँपालिका स्वास्थ्य संयोजक धिरज साहले स्वास्थ्य चौकीहरुमा कुनै प्रकारका कमी नहुने प्रतिबद्धता व्यक्त गरे । उनले गाउँपालिकाबाट प्राप्त हुने सम्पुर्ण सेवा सुबिधा सहज रुपमा उपलब्ध गराइने प्रतिबद्धता जनाए । साथै पालिकाद्वारा संचालित एम्बुलेन्समा एक्सिजनको कमि नरहेको बताए ।
वडाध्यक्ष जयनारायण कुर्मीको अध्यक्षतामा आयोजित कार्यक्रममा देवनाथ ठाकुर, मदनमोहन माली, डाक्टर तेजनाथ तिवारी, स्वास्थ्य प्रमुख शन्त प्रसाद कम्कर, स्वास्थ्य सहसंयोजक निरंजन चौरसिया, ललिता देबी, रमेश पटेल, रामजतन प्रसाद लगायतको उपस्थिति रहेको थियो । स्वास्थ्य चौकीमा ओपिडि सेवा संचालन भएलगत्तै विरामीहरुलाई भर्ना कार्य पनि सुरु हुने संस्थाका प्रमुख शन्त प्रसाद कम्करले बताए ।
प्रतिक्रिया दिनुहोस् !