वीरगंज (पर्सा), २८ चैत । राष्ट्रिय स्वतन्त्र पार्टी (रास्वपा) पर्साबाट निर्वाचित चार प्रतिनिधिसभा सदस्य विभिन्न संसदीय समितिमा मनोनित भएका छन् । पर्सा क्षेत्र नं १ बाट निर्वाचित तथा रास्वपा पर्सा जिल्ला सभापति बुद्धि प्रसाद पन्त (हरि पन्त) र क्षेत्र नं ४ का सांसद टेक बहादुर शाक्य उद्योग तथा वाणिज्य र श्रम तथा उपभोक्ता हित समितिको सदस्यमा मनोनित भएका छन् ।
त्यसैगरी पर्सा क्षेत्र नं २ का सांसद सुशील कुमार कानु कानून, न्याय तथा मानवअधिकार समितिको सदस्यमा मनोनित भएका छन् । यस्तै पर्सा क्षेत्र नं ३ बाट निर्वाचित सांसद रामाकान्त प्रसाद चौरसिया पूर्वाधार विकास समितिमा मनोनित भएका छन् ।
संघीय संसद सचिवालयले सार्वजनिक गरेको सूचीअनुसार संसदीय समितिहरूको गठन प्रक्रिया पूरा भएसँगै सांसदहरूको जिम्मेवारी बाँडफाँट गरिएको हो । संसदीय समितिहरूलाई विधेयक अध्ययन, नीति निर्माण र सरकारका कामकारबाहीको अनुगमनमा महत्वपूर्ण अंगका रूपमा लिइन्छ । 
प्रतिक्रिया दिनुहोस् !