वीरगंज (पर्सा), १७ चैत । बालेन शाह नेतृत्वको सरकारप्रति समर्थन जनाउँदै मंगलबार वीरगंजमा भव्य मोटरसाइकल र्याली निकालिएको छ । विकास, सुशासन र पारदर्शिताको पक्षमा आवाज उठाउँदै युवा, विद्यार्थीको सहभागितामा र्याली निकालिएको हो ।
र्याली पावरहाउस चोकबाट सुरु भई घण्टाघर, माइस्थान, आदर्शनगर र अलखियामठ हुँदै पुनः घण्टाघरमा पुगेर कोणसभामा परिणत भएको थियो । सहभागीहरूले सरकारका हालका कामहरू सकारात्मक रहेको भन्दै समर्थनमा नाराबाजी गरेका थिए । कोण सभालाई सम्बोधन गर्दै र्यालीका संयोजनकर्ता तेज शमशेर जबराले, वर्तमान सरकारले जनअपेक्षाअनुसार काम गरिरहेको बताए ।
सकारात्मक परिवर्तनका संकेत देखिन थालेको छ, राम्रो कामको सवैले खुलेर समर्थन गर्नु पर्छ–उनको भनाई थियो । कार्यक्रमका सहजकर्ता जावेद इकबाल हैदरले युवाहरूको सक्रिय सहभागितालाई परिवर्तनको सकारात्मक संकेत भन्दै सरकारलाई विकास र समृद्धिको यात्रामा सहयोग गर्नुपर्नेमा जोड दिए । 
प्रतिक्रिया दिनुहोस् !