वीरगंज (पर्सा), ३ चैत । मधेशमा विगत ३ महिनामा १८३ वटा महिला हिंसाका घटना घटेको पाइएको छ ।
लैंगिक हिंसा न्युनीकरण लगायतका सामाजिक क्षेत्रमा विगत लामो समयदेखि काम गर्दै आएका ओरेक मधेश प्रदेशले सार्वजनिक गरेको प्रेस विज्ञप्ती अनुसार १४१ वटा घरेलु हिंसा, २६ वटा सामाजिक हिंसा, ८ वटा यौन हिंसा, ५ वटा हत्या, साइवर अपराध २, अन्य हिंसा १ गरी जम्मा १८३ वटा हिंसाका घटनाहरु उल्लेख गरेका छन् ।
ओरेक मधेश प्रदेशले सन् २०२५ को अक्टोवरदेखि डिसेम्वरसम्मको तीन महिना अवधिको तथ्यांक संकलन गरेको छ । जसमा कुल १८३ वटा महिला हिंसाका घटना दर्ता भएका छन् । यस अवधिमा संकलित १८३ घटनामध्ये १४१ महिला घरेलु हिंसाबाट प्रभावित भएका छन् ।
संकलित तथ्याङ्क अनुसार १८३ घटनामध्ये १०७ महिला नागरिकताको अधिकारबाट, ९२ महिला विवाह दर्ताबाट, ३९ बालबालिका जन्म दर्ताबाट र १७ महिला आधारभूत पोषण तथा खानपान सुविधाबाट वञ्चित भएको पाइएको छ ।
प्रतिक्रिया दिनुहोस् !