वीरगंज (पर्सा), २ चैत । पर्सा निर्वाचन क्षेत्र नं. १, प्रतिनिधी सभाका नवनिर्वाचित सांसद हरि पन्तले जेन्जी आन्दोलनका सहिद परिबारसँग भेट गरेका छन् । सपथ ग्रहण गर्न जान अघि सोमवार सांसद पन्तले जेन्जी आन्दोलनका सहिद असाब आलम ठकुराइको परिवारजनसंग भेट गरेका हुन् ।
शहिद ठकुराईकी आमा नजला खातुन, भाइ मुराद आलम ठकुराइलगायत परिवारका सदस्यहरूसंग वीरगंज छपकैया स्थित घरमा पुगेर भेट गरेका हुन् । भेटको क्रममा पन्तले सहिद परिबारबाट एकजनालाई रोजगारीको लागि अब बन्ने सरकारसँग पहल गर्ने बताए । जेन्जी आन्दोलनकै कारण परिवर्तन सम्भब भएको भन्दै सांसद पन्तले सहिदहरुको बलिदानिको उच्च सम्मान गरिने प्रतिज्ञा गरे ।
रास्वपा पर्साका अध्याक्ष समेत रहेका पन्तले सो अवसरमा सहिद परिबारका सदस्यहरूर्ला दोसल्ला ओढाएर सम्मान गरेका थिए । वीरगंज छपकैया निवासी असाव आलम ठकुराईको जेन्जी आन्दोलनको क्रममा भाद्र २४ गते कोटेश्वरमा गोलि लागेर घटना स्थलमा नै मृत्यु भएको थियो । सहिद आलमको परिबारमा पत्नी, बुबा आमा र भाइहरु छन् ।
प्रतिक्रिया दिनुहोस् !