धारिलो हतियारबाट विश्वानाथले पत्नीको खुट्टा छिनाले

वीरगंज (पर्सा), १ चैत । पर्सा जिल्लाको पर्सागढी नगरपालिकाको वडा नम्बर, ३ बिरुवागुठी बस्ने एक पतिले धारिलो हतियार प्रहार गरि पत्निको खुट्टा छिनाली दिएका छन् । बिश्वनाथ सहनिले घरायसी विवादको कारण आइतवार विाहान पत्नी २५ बर्षिया हरिकला सहनीको खुटटा काटेको हो ।

पत्निलाई मर्नासन्न हुनेगरि कुटपिट पछि धारिलो हतियार प्रहार गरेर, बायाँ खुट्टा काटिदिएको प्ररम्भिक अनुसन्धानबाट देखिएको बडनिहार प्रहरी चौकीका प्रहरी सहायक निरिक्षक, सञ्जय पाण्डेले बताए । स्थानीयले खबर गरे पछि प्रहरी घटनास्थलमा पुगेको थियो । घाइते हरिकलाको बारा परवानीपुर स्थित, एल एस न्युरो असपतालमा उपचार भइरहेको छ ।

उनको घुँडा भन्दा तल नलिखुट्टाको भाग पुरै छिनेर खुट्टा दुइ टुक्रा भएको र सानो छालाले मात्रै अल्झाई राखेको उपचारमा संलग्न चिकित्सकहरूले बताएकाछन् । घटना लगतै फरार सहनीको खोजी भइरहेको प्रहरीले जनाएको छ ।