वीरगंज (पर्सा), १२ फागुन । राष्ट्रिय स्वतन्त्र पार्टीका पर्सा जिल्ला सभापति तथा पर्सा–१ का प्रतिनिधिसभा सदस्य उम्मेदवार हरि पन्तलाई वीरगञ्जको गहवा र रामटोल क्षेत्रमा उल्लेख्य जनसमर्थन प्राप्त भएको छ । मंगलबार सम्पन्न घरदैलो तथा मतदाता भेटघाट कार्यक्रममा सयौं स्थानीय बासिन्दाको सहभागिता देखिएको थियो ।
गहवा र रामटोलका बासिन्दाले घर घरबाट बाहिर निस्केर पन्तको स्वागत गर्दै समर्थन प्रकट गरेका थिए । केही स्थानमा स्थानीयले घण्टी बजाएर प्रतीकात्मक रूपमा आफ्नो साथ रहेको सन्देश दिएका थिए । उम्मेदवार पन्तलाई विभिन्न घरमा टीका, फूलमाला र पुष्पगुच्छा अर्पण गर्दै शुभकामना व्यक्त गरिएको थियो । कार्यक्रममा सहभागी स्थानीयले यसपटक परिवर्तनको पक्षमा उभिने दृढ संकल्प व्यक्त गरेका छन् । घरदैलो अभियान स्थानीय युवा नेतृत्वको सक्रियतामा सम्पन्न भएको जनाइएको छ ।
निरज गुप्ता, सुमित कादमिया, अबिनाश गुप्ता, विकास गुप्ता, छोट्टु साह, राजु साह, प्रदीप गुप्ता, दीपक कुश्वाह, आकाश गुप्ता, साहिल, अजय साह, करन साह, सन्तोष खेतान र रोशन खेतानलगायत युवाहरूको अगुवाइमा कार्यक्रम सम्पन्न भएको थियो । 
प्रतिक्रिया दिनुहोस् !