वीरगंज (पर्सा), ६ फागुन । पर्सा क्षेत्र नम्बर–१ का जनमत पार्टी प्रतिनिधिसभा सदस्य उम्मेदवार ओमप्रकाश सर्राफको चुनावी प्रचारप्रसार तीव्र गतिमा अघि बढिरहेको छ । आगामी फागुन २१ गते हुने प्रतिनिधिसभा सदस्य निर्वाचन नजिकिँदै गर्दा सर्राफले आफ्नो घरदैलो अभियान, युवा केन्द्रित सभा र प्रत्यक्ष मतदाता भेटघाटलाई एकसाथ सुदृढ बनाउँदै पर्सा क्षेत्रका गाउँ, टोल र वडाहरूमा सक्रियता देखाएका छन् ।
सर्राफले घरदैलो अभियानमार्फत मतदातासँग प्रत्यक्ष संवाद गर्दै उनीहरूको समस्या, गुनासो र अपेक्षाहरू सुनिरहेका छन् । यस क्रममा उनले निर्वाचनमा मात्र नभएर निर्वाचित भएपछिको कामलाई पनि प्राथमिकतामा राख्ने प्रतिवद्धता व्यक्त गरेका छन् । उनले क्षेत्रको विकासका लागि जनमत पार्टीलाई एकमात्र विकल्प भएको र मधेशका दबाइएका मुद्दाहरूलाई निर्वाचित भएपछि उठाउने दाबी गरे ।
युद्ध स्तरमा नभई सेवा र परिणाममुखी नेतृत्वमा विश्वास राख्ने मतदातालाई समेट्दै सर्राफले समस्या समाधान र विकासमा केन्द्रित एजेन्डा प्रस्तुत गरेका छन् । उनको चुनावी रणनीतिले क्षेत्रीय माग, रोजगारी सिर्जना, पूर्वाधार सुधार, शिक्षा र स्वास्थ्य क्षेत्रमा सुधार ल्याउने योजना स्पष्ट पारेको छ ।
रात्रीसभा कार्यक्रममार्फत पनि सर्राफले युवासँग प्रत्यक्ष संवाद गर्दै उनीहरूलाई सक्रिय भूमिका लिन प्रोत्साहित गरेका छन् । युवाहरूले सर्राफको योजना र दृष्टिकोणप्रति उत्साह देखाउँदै उनको पक्षमा समर्थन जनाएको छ । यसले सर्राफलाई युवा मतदाताको आकर्षणको केन्द्र बनाएको विश्लेषकहरूले बताएका छन् ।
सर्राफको नेतृत्व र योजनाबद्ध दृष्टिकोणका कारण मतदाताको झुकाव तीब्र रूपमा बढिरहेको छ । उनले राष्ट्रिय अध्यक्ष डा. सिके राउतसँग मधेशका एजेन्डा स्पष्ट गरी क्षेत्रीय मुद्दाहरू प्रभावकारी रूपमा अघि बढाउने योजना बनाएका छन्। यसले मतदातामा विश्वास र अपेक्षा थपेको छ । उम्मेदवार सर्राफको चुनावी अभियानले जनसम्पर्क, समस्या समाधान र विकासका लक्ष्यलाई जोड दिंदै क्षेत्रीय राजनीतिक वातावरणलाई सशक्त बनाएको छ ।
घरदैलो, भेटघाट र युवा सभा जस्ता कार्यक्रमहरूले मतदातासँगको नजिकको सम्बन्ध स्थापित गर्दै चुनावी रणनीतिलाई मजबुत बनाएका छन् । विशेषगरी युवाहरू र ग्रामीण मतदाताहरूको उच्च सहभागिताले सर्राफको पक्षमा समर्थन बढाएको छ । उनीहरूको उत्साह, सहभागिता र सक्रियता सर्राफको अभियानलाई गतिशील बनाउने मुख्य कारण बनेको विश्लेषकहरूले बताएका छन् । 
प्रतिक्रिया दिनुहोस् !