वीरगंज (पर्सा), ५ फागुन । पर्सा निर्वाचन क्षेत्र नं. २ का प्रतिनिधिसभा सदस्य उम्मेदवार मनोज चौधरीले मंगलबार बहुदरमाई नगरपालिका–३ अन्तर्गत नगरदाहा र गमहरिया क्षेत्रमा घरदैलो अभियान सञ्चालन गरेका छन् । नेपाली कम्युनिष्ट पार्टी (नेकपा) का तर्फबाट उम्मेदवारी दिएका चौधरीले टोल–टोल पुगेर मतदातासँग प्रत्यक्ष संवाद गरेका हुन् ।
घरदैलो तथा जनता दर्शन कार्यक्रमका क्रममा उनले आफ्नो चुनावी एजेन्डा र भावी रणनीतिबारे स्थानीयसँग विस्तृत छलफल गरे । मतदाताले उठाएका जिज्ञासा र प्रश्नको जवाफ दिँदै चौधरीले सक्षम र परिणाममुखी नेतृत्व चयन गर्न आग्रह गरे । नेपालको लोकतान्त्रिक आन्दोलनमा महत्वपूर्ण योगदान पुर्याएका नेताहरू नेकपामै रहेको उल्लेख गर्दै उनले ‘तारा’ चुनाव चिह्नमा मतदान गरी आफूलाई विजयी बनाउन अपिल गरे ।
कार्यक्रममा किशोरी कुशवाहा, बृजलाल पासवान, बिपिन यादव, जीवन राम, अरुण रेग्मी, उमेश राम, रमेश चौधरी र दीपेन्द्र सिंह पटेललगायत पार्टीका नेताहरूको सहभागिता रहेको थियो । सहभागी नेताहरूले पर्सा–२ मा ‘तारा’ चिन्हप्रति जनसमर्थन बढ्दै गएको दाबी गर्दै उम्मेदवार चौधरी विजय नजिक पुगेको बताएका छन् ।
प्रतिक्रिया दिनुहोस् !