पर्सा-४ मा रास्वपामा जनलहर, विभिन्न दल परित्याग गर्दै सयौँ नेता कार्यकर्ता प्रवेश

वीरगंज (पर्सा), २६ पुस । पर्सा क्षेत्र नं. ४ अन्तर्गतका विभिन्न गाउँबाट नेकपा एमाले, नेपाली कांग्रेस, जसपा नेपाल, राष्ट्रिय प्रजातन्त्र पार्टी र सुशासन पार्टी परित्याग गरी सयौँ नेता तथा कार्यकर्ता राष्ट्रिय स्वतन्त्र पार्टी (रास्वपा) मा प्रवेश गरेका छन् । वीरगंजस्थित रोयल पार्टी प्यालेसमा आयोजित विशेष कार्यक्रममा उनीहरूले औपचारिक रूपमा रास्वपाको सदस्यता लिएका हुन् ।

कार्यक्रममा जसपा नेपालबाट निर्वाचित कालिकामाई गाउँपालिका वडा नं. १ का वडाध्यक्ष लालबाबु चौरसिया, पूर्व गाविस अध्यक्ष नेजामुदिन मियाँ, पूर्व वडाध्यक्ष महादेव चौरसिया, नेपाली कांग्रेसका शिवशंकर प्रसाद चौरसिया, नरेन्द्र राय तिवारी, राजेन्द्र प्रसाद चौरसिया, राजु प्रसाद पटेल, राष्ट्रिय प्रजातन्त्र पार्टीका ललन ठाकुर तथा सुशासन पार्टीका लक्ष्मण महतो लगायतका प्रभावशाली नेताहरू रास्वपामा प्रवेश गरेका छन् ।

यसैगरी कालिकामाई गाउँपालिका वडा नं. २ बाट नेकपा एमालेका नेता मनमोहन प्रसाद चौरिया, राजेश साह, अकलेश कुशवाहा, बृजमान सहनी, रामकलश सहनी, महेश प्रसाद चौरसिया, श्याम राउत गद्दी, अनिल कुमार चौरियासहित जेन–जीका राजनिश चौरसिया, कृष्णा कुशवाहा, बिरेन्द्र प्रसाद साह, विजय कुमार चौरसिया, अविनाश चौरसिया र चन्देश्वर महतो कोइरीलगायत युवाहरू पनि रास्वपामा समाहित भएका छन् ।

त्यसैगरी कालिकामाई गाउँपालिका वडा नं. ५ बाट नेपाली कांग्रेसका हिरो राउत कुर्मी, छविलाल प्रसाद राउत, राजु प्रसाद पटेल तथा जसपा नेपालका रमेश प्रसाद पटेल, छबिलाल राउत र शम्भु प्रसाद चौहानलगायतको समूहले पनि रास्वपा रोजेको जिल्ला सभापति हरि पन्तले जानकारी दिए ।

नवप्रवेशीहरूलाई रास्वपाका केन्द्रीय सदस्य नन्दन यादव, जिल्ला सभापति हरि पन्त, क्षेत्रीय सभापति जितेन्द्र मिश्र, जिल्ला उपसभापति तुल्सा पौडेल, नेता टेकबहादुर शाक्य, जिल्ला सचिव सुदिश प्रजापति र कोषाध्यक्ष दिलिप कुर्मी लगायतका नेताहरूले अबिर र टीका लगाएर पार्टीमा स्वागत गरेका थिए ।

कार्यक्रमलाई सम्बोधन गर्दै जिल्ला सभापति पन्तले यस प्रवेश कार्यक्रमपछि पर्सा क्षेत्र नं. ४ मा रास्वपा अझ सशक्त बनेको दाबी गरे । उनले आगामी फागुनमा हुने निर्वाचनमा पार्टीका सबै उम्मेदवारलाई विजयी गराउन कार्यकर्तालाई सक्रिय भएर लाग्न आह्वान गरे । क्षेत्रीय सभापति जितेन्द्र मिश्रले पर्सा क्षेत्र नं. ४ बाट प्रतिनिधिसभा सदस्यका लागि रास्वपाका उम्मेदवार टेकबहादुर शाक्य रहेको जानकारी दिँदै भारी बहुमतका साथ विजयी गराउन सबैलाई एकताबद्ध हुन आग्रह गरे ।

रास्वपा पर्सा क्षेत्र नं. ४ का सभापति जितेन्द्र मिश्रको अध्यक्षतामा सम्पन्न कार्यक्रममा कृष्ण पासवानले सहजीकरण गरेका थिए ।