वीरगंज (पर्सा), २६ मंसिर । वीरगंज महानगरपालिकामा प्रमुख प्रशासकीय अधिकृत बस्ने कोठाको विषयलाई लिएर विवाद भएको छ । पहिला प्रमुख प्रशासकीय अधिकृत बस्ने कोठालाई सारेर महाननगर प्रमुख राजेशमान सिंहले आफ्नो सभकक्ष नजिकिै रहेको भवनमा सार्न खोज्दा विवाद उत्पन्न भएको हो । भर्खरै सरुवा भएर आएका प्रमुख प्रशासकीय अधिकृतलाई महानगरप्रमुख राजेशमान सिंहले पहिला आफू बस्दै आएको कोठामा सार्न खोजेपछि महानगर उप-प्रमुख इम्तियाज आलमले हस्तक्षेप गर्दा विवाद उत्पन्न भएको थियो ।
महानगर प्रमुख सिंहले पहिला अधिकृत बस्ने कोठामा पञ्जिकरण शाखा राख्ने निणर्य गरेको र उप-प्रमुखले त्यही कोठालाई आफ्नो सचिवालयको लागि प्रयोग गर्ने भनेर अडान राखेपछि विवाद शुरु भएको थियो । महानगरप्रमुख सिंहले आफ्नो एकलौटी रुपमा महानगर संचालन गर्न खोज्दा महानगर प्रमुख र उप-प्रमुख पक्षबीच विवाद उत्पन्न भई झडप समेत भएको थियो । उत्पन्न विवादलाई साभ्य पार्न जिल्ला प्रहरी कार्यालय पर्साबाट प्रहरी टोली परिचालन गरिएको थियो ।
विवाद पश्चात दुई पक्षबीछ छलफल पश्चात समस्या समाधान नभएपछि उप-प्रमुखका स्वकीय सचिब शेष हजरा माथी प्रहरीले घोक्राएर निकाल्दै लाठी चार्ज गरेपछि विवाद अझ उग्र रुपमा लिएको थियो । प्रहरीको लाठी चार्जबाट हजराको टाउकोमा चोटपटक लागेको छ । जनप्रतिनिधिको विवादमा प्रहरीले महानगर प्रमुखको इसरामा बिना कारण उप-प्रमुखका स्वकीय सचिवमाथि लाठी चार्ज गरि घाइते बनाएको भन्दै उनीहरुले प्रहरी विरुद्ध नाराबाजी समेत गरेका थिए । दुबै पक्षबीच नारावाजी भइरहँदा महानगरपालिका केहीबेर तनावग्रस्त बनेको थियो भने अहिले विवाद साभ्य भएको छ । 
प्रतिक्रिया दिनुहोस् !