कलैया (बारा), १४ मंसिर । सुवर्ण गाउँपालिकाका प्रमुख प्रशासकीय अधिकृत वकिल पालले आफ्नो मनोमानी रुपले पालिका संचालन गर्न खोज्दा उनको सरुवा भएको छ ।
प्रशासकीय अधिकृत पालले सुवर्ण गाउँपालिका अध्यक्ष राजेश यादव र उपाध्यक्ष पुनम कुमारीबीच बिबाद लगाएर कार्यालय आफ्नो मनपरि ढङ्गले संचालन गर्न खोज्दा उनको सरुवा भएको हो । आव २०८०/०८१ को गाउँसभाबाट पारित भएको निणर्यको प्रमाणित प्रतिलिपी, रेडबुकको प्रमाणित प्रतिलिपी र बैठकबाट निणर्य भएको इन्धन खर्चको विवरण उपाध्यक्ष पुनम कुमारीले पटक पटक माग गर्दा प्रमुख प्रशासकीय अधिकृत पालले दिन नमानेपछि असोज २३ गते उपाध्यक्षकै नेतृत्वमा जिल्ला प्रशासन कार्यालयमा ज्ञापन पत्र समेत बुझाइएको थियो तर जिल्ला प्रशासन कार्यालयमा केही चासो नदिएपछि प्रमुख प्रशासकीय अधिकृत पाललाई उनकै कार्यकक्षमा घेराउ पनि गरिएको थियो ।
त्यतिले पनि अधिकृत पालले आफ्नो मनोमानी नछाडेपछि उनको सरुवा भएको हो । अधिकृत पाल विवादित कर्मचारीको रुपमा चिनिने गरेका छन् । बारा जिल्लाको जुनपनि पालिकामा पुग्दा अध्यक्ष र उपाध्यक्षबीच बिबाद लगाएर जनप्रतिनिधिलाई पाखा लगाई आफ्नो मनोमानी रुपमा पालिका संचालन गर्न खोज्दा उनको सरुवा भएको उदाहारण नै छ । यो भन्दा अघि बारागढी गाउँपालिकामा अध्यक्ष र उपाध्यक्षबीच बिबाद गराएर एक महिनासम्म कामकाज ठप्प गरेपछि उनलाई जनप्रतिनिधिले सरुवा गराएको थियो ।
त्यस्तै देवताल गाउँपालिकामा कर्मचारी र जनप्रतिनिधीबीच विवाद लगाएर त्यहाँ एक डेढ महिना काम काज ठप्प पारेका थिए । त्यसपछि उनको सरुवा सुवणर् गाउँपालिकामा भएको थियो । त्यहाँ पनि त्यही काइदा लगाएर आफ्नो मनोमानी रुपमा पालिका संचालन गर्न खोज्दा त्यहाँबाट पनि सरुवा भएको हो । उनी पालिकामा हाजिर भएदेखि नै काम भन्दा पनि अध्यक्ष र उपाध्यक्षबीच विवाद गराउने कार्यतर्फ लागेका थिए । 
प्रतिक्रिया दिनुहोस् !