वीरगंज (पर्सा), १० मंसिर । जनमत पार्टी पर्साले रङभेद विरुद्धको एकता दिवस आइतबार वीरगंजमा मनाइएकाे छ । रंग विभेद विरुद्धकाे आक्रमण अत्य गर मूल नाराका साथ वीरगंजकाे घण्टाघरमा एक कार्यक्रमकाे आयाेजना गरेर जनमतले दिवस मनाएकाे हाे ।
२०७१ मंसिर १० गते काठमाडौंकाे सुन्धारा क्षेत्रबाट डा. सी.के. राउत लगायत ३०० भन्दा बढी मधेशीहरुलाई गिरफ्तार गरिएको र त्यस क्षेत्रमा कालो छाला भएको मान्छे देखिने वित्तिकै गिरफ्तार गरिने कार्यकाे विराेधमा हरेक बर्ष मंसिर १० गते रंगभेदी विरुद्धकाे दिवस मनाइदै आइएकाे जनमत पर्साका संयाेजक ओमप्रकाश सर्राफले वताए ।
उनले भने “सोही क्रममा वीर अस्पताल जान लागेका विरामी कुरुवाहरु तथा कालो वर्णका सादा पोशाकका मधेशी प्रहरीहरु समेत गिरफ्तार भएका थिए । नेपाल सरकारद्वारा गरिएको सो गिरफ्तारी त्यो हदसम्मको पूर्ण रुपले रंगभेदी थियो ।” जिल्ला अध्यक्ष सरार्फको अध्यक्षतामा भएकाे कार्यक्रममा जिल्ला इन्चार्ज माधव सिंह, राष्ट्रीय परिषद सदस्य डा. अजय यादव, जिल्ला सह-इन्चार्ज मुकेश द्विवेदी, युवा नेताहरु ई राजुराज गिरी, संजय सिंह, उमाशंकर गुप्ता लगायतले सम्बोधन गरेका थिए ।
कार्यक्रममा पार्टीकी नेतृ अनिता राैनियार, जिल्ला उपाध्यक्षद्वय प्रमोद यादव, अमरनाथ सिंह राठौर, जिल्ला सचीव शशी पाण्डे, कोषाध्यक्ष अभिसेख तिवारी लगायतकाे उपस्थिति रहेको थियो । रंगभेदी गिरफ्तारीको सम्झना स्वरुप, देश र विदेशमा मधेशीमाथि भइरहेको रंगभेदको संदेश दिन, हरेक वर्ष मंसीर १० गते ‘रंगभेदविरूद्ध एकता दिवस’ जनमतले मनाउँदै आएकाे छ । 
प्रतिक्रिया दिनुहोस् !