वीरगंज (पर्सा), ७ मंसिर । राष्ट्र शक्तिका केन्द्रिय अध्यक्ष केशर बहादुर बिष्टले राष्ट्र, राष्ट्रियता र बैद्धिक सनातन राजा सहितको अधिराज्यको माग राख्दैै सम्पूर्ण राष्ट्रवादीहरु एकजुट हुन आग्रह गर्नु भएको छ । राष्ट्रिय नागरिक संघर्ष समितिले आयोजना गरेको अहिंसक जनआन्दोलन परिचालन समिति गठन र कार्यगत एकताको लागि बृहत छलफल कार्यक्रममा बोल्दै केन्द्रिय अध्यक्ष बिष्टले पृथ्वीनारायण शाहले अर्जेका मुलुको संरक्षण गर्नका निम्ति सम्पुणर् नेपालीहरुको काधमा अभिभारा आइसकेको र यसको निम्ति आफुहरु अहिंसक आन्दोलनमा जाने तैयारी गरिरहेको बताएका छन ।
राष्ट्रिय सरोकार मञ्च नेपालका केन्द्रिय अध्यक्ष सोमबिक्रम सिंहले राष्ट्र र राष्ट्रियताको जगेर्नाको निम्ति राष्ट्रिय सरोकार मञ्च नेपाल जुन सुकैपरिस्थिती साथ दिने सदव तत्पर रहने बताएका छन । राष्ट्रिय नागरिक संघर्ष समितिका केन्द्रिय संयोजक नरेश बहादुर सिंहको अध्यक्षतामा भएको कार्यक्रममा बरिष्ठ अधिवक्ता कृष्ण प्रसाद भण्डरी, देवेन्द्रलाल नेपाल, पुर्व राजदुत कमल प्रसाद कोईराला, राष्ट्रिय सरोकार मञ्च नेपाल नारायणीका नन्दकिशोर गोयल, मकबुल मियाँ बढ्ई, जेष्ठ नागरिक समाजका अगुवा पशुपति बिक्रम शाह, उषा शाह, राष्ट्रिय नागरिक संघर्ष समितिका प्रवक्ता हिराबहादुर चन्द लगायतले २०७२ को संबिधान खारेज गरि २०४७ को संबिधान लागु गर्नु पर्नेमा जोड दिएका थिए । राष्ट्रवादी मानव सेवकले कार्यक्रमको सहजीकरण गर्नु भएको थियो ।
यसैगरी नेपाल राष्ट्रवाद संघ पर्साले आज वीरगंजमा बिरोध जुलुस निकालेको छ । २०७२ को संबिधान खारेज र हिन्दुराष्ट्र पुनस्थापनाको माग गर्दै वीरगंजको घण्टाघरबाट निकालीएको बिरोध जुलुसमा नगरको बिभिन्न भागको परिक्रम गरेका थिए । 
प्रतिक्रिया दिनुहोस् !