वीरगंज (पर्सा), ७ मंसिर । वीरगंज मुलुकको आर्थिक राजधानीको रुपमा रहेको वीरगन्जलाई संघीय सरकारले उपेक्षा गरेको आरोप एक कार्यक्रमका वक्ताहरुले लगाएका छन । वीरगन्जले सबै भन्दा बढी कर तिरे पनि विकास र बजेटअनुदानमा सधै पछाडि पारिने व्यक्तहरुको रहेको थियो । १२ औं राष्ट्रिय कर दिवसको अवसरमा आयोजित कार्यक्रमका वक्ताहरुले यस्तो धारणा व्यक्त गरेका हुन ।
वीरगन्जलाई संघीय सरकाले सधै उपेक्षा गरेको आरोप वीरगन्जका नगर प्रमुख राजेशमान सिंह श्रेष्ठ लगाउनु भयो । आन्तरिक राजश्व कार्यालय वीरगंजले आयोजना गरेको उक्त कार्यक्रममा बोल्दै नगर प्रमुख सिंहले राजश्व वीरगंजको भंसार र राजश्व कार्यलयबाट कुल राजश्वको ५०प्रतिशत भन्दा बढीको हाराहारीमा उठेपनि तुलनात्मक उपलब्धि न्यून रहेको गुनासो व्यक्त गर्नुभयो ।
कार्यक्रमका प्रमुख अतिथी समेत रहेका मेयर सिंहले कर नतिर्नेलाई दायरामा ल्याउनु पर्ने वताउनु भयो । उहाले करको दायरा बढाउनुको साथै कर संकलनको लागि चेतना फैलाउन पनि जरुरी रहेको वताउनु भयो । मेयर सिंहले सेवा प्रवाहको सवालमा आन्तरिक राजश्व कार्यालय वीरगंजको सेवा प्रवाह पहिला भन्दा सुधार भए वताउँदै अझै सुधार गरेर जानू पर्ने वताउनु भयो ।
मेयर सिंहले वीरगंज ३१ का स्थानीय गरिब विपन्नहरूको नागरिकता दूरूपयोग गरेर करोडौ कर तिर्नुपर्ने अवस्था बनाएको र कर कार्यालयले पनि ताकेता गरेर आतंकित बनाएको भन्दै त्यसलाई सहजीकरण गर्न माग समेत गरे । आन्तरिक राजश्व कार्यालय वीरगंजका प्रमुख कर अधिकृत ढाकाराम तिवारीको अध्यक्षतामा भएको कार्यक्रमा पर्साका प्रमुख जिल्ला अधिकारी हिरालाल रेग्मी, वीरगंज भन्सारका प्रमुख भन्सार प्रशासक डिलाराम पन्थी, उद्योग वाणिज्य महासंघ मधेश प्रदेशका अध्यक्ष अशोक टेमानी, नेपाल चाटर्ड एकाउण्टेण्ड एशोसिएसन पर्साका अध्यक्ष रमेश अग्रवाल लगायतले मन्तव्य व्यक्त गनुभएको थियो ।
कार्यक्रममा आर्थिक वर्ष ०७९/०८० मा सबैभन्दा बढी कर तिर्ने करदाता र उत्कृष्ट कर्मचारीलाई सम्मान गरिएको थियो । बैंक तथा बित्तिय संस्थातर्फ शिवम बचत तथा ऋण सहकारी संस्था लिमिटेड, व्यापार तर्फ कमला मोहन इण्टरनेशनल प्रालि र उद्योगतर्फ राजधानी क्राफ्ट नेपाल प्रालिलाई सम्मानीत गरिएको थियो । त्यस्तै उत्कृष्ट कर्मचारीतर्फ राजश्व कार्यालयका डाटा इन्टरी सुपरवाइजर रामानन्द यादवलाई सम्मान गरिएको थियो । स्वच्छ, पारदर्शी र प्रविधि मैत्री कर प्रशासन समाजिक न्याय, आर्थिक समृद्धि र सुशासन भन्ने नाराको साथ सप्ताह व्यापी कार्यक्रमको आयोजना गरेर १२ औं कर दिवस राजश्व कार्यालय वीरगंजले मनाएको हो । 
प्रतिक्रिया दिनुहोस् !