वीरगंज (पर्सा), २३ कात्तिक । वीरगंज पानीटंकी स्थित लिटिलबडी इन्टरनेशनल प्रि-स्कुलले अभिभावक रंगोली प्रतियोगिताको आयोजना गरेको छ । विद्यालयको प्राङ्गणमा आयोजित प्रतियोगितामा विद्यालयमा अध्ययनरत बालबालिकाका १० जना अभिभावकले भाग लिएका थिए । ‘ए, बि, सि, डि तथा ई’ गरि ५ वटा समूहमा विभाजन गरि आयोजना गरिएको रंगोली प्रतियोगितामा समूह ‘सि’ प्रथम, ‘डि’ द्वितीय तथा ‘ई’ तृतीय भएका थिए ।
प्रथम, द्वितीय तथा तृतीय हुने समूहलाई विद्यालयको तर्फबाट पुरस्कार प्रदान गरिएको थियो भने आगामी मंसिर महिनाको शुल्कमा छुट समेत दिइएको छ । प्रथम हुने अभिभावकलाई बच्चाको मासिक शुल्कको २० प्रतिशत, द्वितीय हुनेलाई १५ प्रतिशत तथा तृतीय हुनेलाई १० प्रतिशत छुट दिइने विद्यालयका प्रधानाध्यापक बिजय कुमार बलले जानकारी दिए । उनका अनुसार बालबालिकाहरुलाई नेपालीहरुको चाँडपर्व एवं नेपाली सँस्कृत्तिहरुको बारेमा सानैदेखि सिक्ने उद्देश्यले विद्यालयले सबै पर्वहरुमा यस प्रकारका नेपाली सँस्कृत्ति झल्कने कार्यक्रमहरु आयोजना गर्दै आएको बताए ।
विद्यालयका प्रधानाध्यापक बिजय कुमार बलको सभापतित्वमा आयोजित कार्यक्रममा विशिष्ठ अतिथि प्याब्सन पर्साका सचिव राहुल श्रीवास्तव, अतिथिहरु सञ्चारकर्मी हरिशंकर शर्मा, नविन कार्की, दिपु वणर्वाल लगायतको उपस्थिति रहेको थियो । कार्यक्रममा माउण्ट मकालु माध्यमिक विद्यालयका सहायक प्रधानाध्यापिका रेखा जैसीले निणर्ायक मण्डलको भूमिका निर्वाह गरेकी थिइन । साथै सोही कार्यक्रमबीच नेपाली सँस्कृत्ति झल्काउने उद्देश्यले विद्यालयका साना साना नानी बाबुसँग देउसीभैलो कार्यक्रम तथा दिपावली, तिहार एवं छठ पर्वको शुभकामना आदान प्रदान कार्यक्रम समेतको आयोजना गरिएको थियो । 
प्रतिक्रिया दिनुहोस् !