• मुस्कान श्रेष्ठ
वीरगंज (पर्सा), १५ कात्तिक । वीरगञ्ज पब्लीक कलेजमा अध्यन्नरत एक विधार्थीले आज बिहान कलेजको छतबाट हाम फालेर आत्महत्या गर्ने प्रयास गरेका छन् ।
बाराको विश्रामपुर गाउँपालिका वडा नम्बर २५ निवासी उपेन्द्र महतोका १८ वर्षीय छोरा राजिव महतोले कलेजको छतबाट हाम फालेर आत्महत्याको प्रयास गरेका हुन् । घाईते राजिवको उद्धार गरि वीरगञ्जस्थित प्रभु अस्पताल लगिएको थियो । त्याहा उपचार सम्भव नभएपछि उनलाई थप उपचारका लागि नारायणी मेडिसिटी बयोधा अस्पताल लगिएको पर्सा प्रहरीले जनाएको छ । उनको शरिरको विभिन्न भागमा चोट लागेको र गम्भीर घाईते भएको बताईएको छ ।
राजिव कक्षा १२ मा अध्यन्नरत विधार्थी हुन् । आज बिहान करिब ६ः२० मा छतबाट हाम फालेको प्रत्यक्षदर्शीले बताएका छन् । कलेजका विधार्थीहरुका अनुसार उनी केही दिनदेखी मानसिक तनावमा थिए । उनले के कति कारणले हाम फालेका हुन भन्ने विषयमा अनुसन्धान भइरहेको पर्सा प्रहरीले जनाएको छ । 
प्रतिक्रिया दिनुहोस् !