वीरगंज (पर्सा), ३ कात्तिक । युवाको काम कुनै पनि अवस्थामा युवा जस्तै हुनुपर्छ भन्ने यर्थातलाई मधेशका श्रम तथा यातायात मन्त्री चन्दन कुमार सिंहले चरित्रार्थ गरिदिएका छन् । विजयादशमीको षष्ठी तिथिमा मन्त्री र नेताहरु प्राय जसो कार्यक्रताहरुको शुभकामना आदानप्रदान कार्यक्रममा व्यस्त रहने अहिलेको परिवेशमा मन्त्री सिंहले पृथक काम गरेर देखाएका छन् ।
प्रसुती पिडा सहित जनकपुरधामको प्रादेशिक अस्पतालमा विहिवार भर्ना भएकी सर्लाही बसबरिया गाँउपालिका वडा नं. ६ मण्टोला बस्ने अरबिन्द पासवानकी २१ वर्षिय श्रीमती रोशनी पासवानलाई चिकित्सकले ब्लडमा होमोग्लोभिनको मात्रा एकदम न्युन रहेको भन्दै प्रसुतीका लागि ब्लड एकदम आवश्यक रहेको बताएपछि उनीहरु आत्तिए । रोशनीको ब्लड ओ नेगेटिभ रहेछ । दलित समुदायका अरबिन्द ब्लडका लागि हारगुहार गर्न थाले । एककान दुई कान हुदै खवर जनमत पार्टीका युवा नेता विरेन्द्र यादवलाई जानकारी भयो ।
उनले मन्त्री सिंहबाट उनको पनि ब्लड ग्रुप सोहि नै रहेको थाहापछि खवर गरे, मन्त्री सिंह अस्पतालमै गएर षष्ठी तिथिका दिन रक्तदान जिवनदानको काम गरेका छन् । देवीको पुजा आराधना भइरहँदा विजयादशमीमै रोशनीले अन्तत : शुक्रवार छोरी पाएकी छिन् । दम्पतीले जनमत पार्टीका महासचिव समेत रहेका युवा नेता मन्त्री सिंहलाई धन्यवाद दिए ।
युवा नेता यादवका अनुसार मन्त्री सिंहलाई फोन गरेपछि उनले समस्या थाहा पाउने वितिकै तुरन्त रक्तदान गर्न राजी भए र अस्पताल परिषरमै रहेको नेपाल रेडक्रसमै गएर साँझ ६ बने रक्तदान गरेका थिए । यादवले भने, ‘प्रदेशसभामा सिंहले रक्तदान गर्दा उनको ओ नेगेटिभ रहेको मलाई थाहा थियो मैले तुरन्त फोन गरे मन्त्री जी ले म जलेश्वरमा छु आउदै छु भन्नुभयो र आउनुपनि भयो ।’ 
प्रतिक्रिया दिनुहोस् !