• अनिल तिवारी
वीरगंज (पर्सा), ३ कात्तिक । दशैको समयमा खासै रौनक देखिएको छैन । बजार पसलहरु औसत सुनसान नै दिखिएका छन ।आर्थिक कारोवारमा न्यून देखिएको क्रयशक्ति सबैको चिन्ता बढाएको छ । मुलुकमा ठुलो आर्थिक संकट आउने भयावाहताले व्यापारीहरु त्राहिमाम छन् । तर सरकारलेबाट खासै चासो देखिएको छैन ।केहि समय देखि भारत तथा तेश्रो मुलुकबाट आयात हुने डस्टी कारागोमा रक्सौल स्थित भारतीय रोल्वेले रोक लगाएको छ ।
भारतीय रेलवेले रक्सौल यार्डमा डस्टी कार्गो अनलोडमा फेरि रोक लगाएको छ । डस्टी कारगोले स्थानियलाई प्रदुषण बढाएको भन्दै रोक लगाइएको हो । त्यहाँको अदालतमा यससम्बन्धमा स्थानियबाट मुद्दा परेको भन्दै रेलवेले रक्सौलमा कोइला, जिप्सम र फ्लाइएसको अनलोडमा प्रतिबन्ध लगाएको हो । रेलवेले यही सेप्टेम्बर ३० तारिखमा सूचना मार्फत त्यस्ता कार्गो अनलोड नगर्न भनेको हो । अहिले ३० सेप्टेम्बर अघिका कार्गो अनलोड भइरहे पनि त्यसयताका कार्गो अनलोड नहुने रेलवे अधिकारीहरूले बताएको वीरगञ्ज उद्योग वाणिज्य संघका उपाध्यक्ष माधव राजपालले जानकारी दिए ।
यसअघि पनि रक्सौल यार्डमा डस्टी कार्गो लोडअनलोडको विषय विवादित बन्दै आएको छ । यस्तो कार्गोका कारण त्यहाँ वातावरणीय प्रदूषणको समस्या भएको भन्दै स्थानीयले अवरोध गर्दै आएका छन् । यो विवाद बारम्बार अदालतमा पुग्ने गरेको छ । रक्सौलमा डस्टी कार्गो लोडअनलोडमा बारम्बार अवरोध हुँदै आएको आयातकर्ताको गुनासो छ । मितेरीपुल–वीरगञ्जबाट हुदै आएको कार्गो ढुवानी केही महीनाअघि एकीकृत जाँच चौकीबाटै गर्नुपर्ने व्यवस्था लागू गरिएको थियो । त्यहाँसम्म पहुँचमार्गको प्रभावकारी प्रबन्धविनै ढुवानी रुट फेरिएको भन्दै आयातकर्ताले विरोध गरेका थिए । अहिले कार्गो आईसीपीबाटै जाँचपास भइरहेको छ ।
अहिले फेरि रक्सौलमा अनलोड गर्न नदिने भन्दै नयाँ समस्या खडा गरिएको उपाध्यक्ष राजपालले बताए । रक्सौल यार्डमा कार्गो अनलोडमा लगाइएको रोक फिर्ता लिन संघले आग्रह गरेको छ । ‘नेपालका लागि यस्तो कार्गो आउने नाका वीरगञ्जमात्रै भएकाले अनलोडमा रोक लगाएर आयात अवरुद्ध बनाइनु भूपरिवृष्ठित मुलुकले पाउनुपर्ने पारवहनको अधिकारविपरीत काम हो । हामीले भारतीय पक्षलाई यसो नगर्न आग्रह गरेका छौं,’ राजपालले बताए ।
संघले यसमा सहजीकरणका लागि वीरगञ्जस्ति भारतीय महावाणिज्य दूतावासलाई पत्राचार गरेको छ । कोइलाको धुलो जलेपछिमात्रै प्रदूषण हुने दाबी संघको छ । रेलवे यार्डमा अहिले धुलो नियन्त्रणका लागि ट्याक्टरबाट पानी छर्किने काम भइरहेको संघले बताएको छ । अझ प्रभावकारी रुपमा धुलो नियन्त्रणका लागि पानीको फोहोरा जडान गर्न पनि आयातकर्ताले आग्रह गरेका छन् । वीरगञ्जको सुक्खा बन्दरगाहमा पनि डस्टी कार्गो अनलोडको पूर्वाधार बनेको छ । तर, यो संरचनामा अनलोडन गर्ने स्थान अव्यवस्थित रहेको आयातकर्ताले बताउने गरेका छन् । 
प्रतिक्रिया दिनुहोस् !