• मुस्कान श्रेष्ठ
वीरगंज (पर्सा), ३ कात्तिक । नेपालीहरुको महान पर्व वडादशैँ शुरु हुनु अगावै वीरगञ्जका मठमन्दिरहरुमा पुजाआजा गर्ने दर्शनार्थीहरुको भिड लाग्ने गर्थ्यो । तर पछिल्लो समय दशैँमा किलमेल गर्ने उपभोक्ताहरुको मात्र नभई मन्दिरमा आउने भक्तजन तथा दर्शनार्थीहरुको उपस्थितिमा समेत कमी आएको छ । मुलुककै प्रमुख आर्थिक नगरीको रुपमा चिनिने वीरगञ्जमा दसैँ शुरुहुनु पूर्व नै स्थानियाहरुको चहलपहलले चाडपर्व नजिकीएको आभास हुने गर्थ्यो । तर यसपटक चाडपर्व सुरु हुदा समेत सर्वसाधारणहरुमा खासै उत्साह देखिदैन । पछिल्लो समय वीरगञ्जमा धार्मिक तथा सांस्कृतिक गतिविधिहरु बढ्दै गएपनि मुख्य चाडवाडका बेलामा नै भक्तजनहरुको उपस्थिति उत्साहजनक देखिदैन ।
प्रत्येक वर्ष दसैं पर्वको आगमनसंगै वीरगञ्जका मुख्य सडक आर्दशनगरदेखी पानीटंकीस्थित आर्मी व्यारेकसम्म लाग्ने संस्तो बजार तथा मेलाको छुट्टै रौनक हुने गर्दथ्यो । तर यसपटकको दशैँ मेलामा खासै रौनकता देखिदैन, बालबालिकाहरुको लागि लाग्ने झुला लगायतका रमाइलो गर्ने साधनहरु यसपटक नहुँदा मेलाको माहोल जस्तो पनि देखिदैन । वीरगञ्जस्थित गहवामाई, विर्तामाई, विन्दवासिनीमाई लगायत विभिन्न मठ मन्दिरहरुमा घटस्थापना देखि नवमीसम्म नै राति २ बजेदेखि भक्तजनहरुको थामी नसक्नु भिड हुने गर्थयो । त्यसो त मन्दिरहरु दर्शन गर्नका लागि दर्शनार्थीहरुको भिड नभएको होईन तर पहिलेको तुलनामा कमी आएको छ । यस्तै, दुर्गा पूजाको अवसरमा विभिन्न टोलहरुमा माताको मुर्ति स्थापना गरेर पण्डाल लगाउने गरिन्थ्यो त्यसमा समेत कमी आएको छ ।
विगत जस्तो यसपालीको दशैँमा खासै चहलपहल नदेखिएको स्थानीयहरुको बताउँछ्न । विभिन्न गाउँघरहरुबाट पूजाआजाका लागि आउने भक्तजनहरुमा समेत कमी आएको उनीहरुको गुनासो छ । आर्थिक मन्दीको कारणले समेत पर्वमा उत्सुकता नभएको दर्शर्नार्थीको भनाई छ । वीरगञ्जका विभिन्न क्षेत्रहरुमा देवीको मन्दिर स्थापना भएको हुँदा दर्शनार्थीहरुलाई सहज भएको हुँदा मन्दिरहरुमा भक्तजनहरुको कमी आएको गहवामाई मन्दिरकी महिला पुजारी उत्तमा उपाध्याय बताउछिन । उनले मुलुकको आार्थिक अवस्था दयवीय भएकोले धेरैजसो व्यवसायीहरु पलायन भएको कारणले गर्दा पनि वीरगञ्जका मन्दिरहरुमा दशार्नीको उपस्थितिमा कमी भएको हुन सक्ने बताईन् ।
पछिल्लो समय मठमन्दिरहरुमा भक्तजनको उपस्थितिलाई हेर्दा, सर्वसाधारणमा देवीदेवता प्रतिको आस्थामा कमी आएको भने चाही होईन । आजभोली घर घर टोल टोलमै मठ मन्दिरको निर्माण हुनु र आर्थिक मन्दीले उपभोक्ता क्रय शक्तिमा ह्रास आउनुको साथै चाडपर्वमा पनि खासै उत्साह देखिदैन ।
प्रतिक्रिया दिनुहोस् !