• हरिशंकर शर्मा
वीरगंज (पर्सा), २९ असोज । नेपाल सरकारले वीरगंज भन्सार स्थित निर्माण गरेको होल्डिङ्ग सेन्टर प्रयोगविहीन अवस्थामा छ । कोरोना महामारीको बखत सरकारले भारतबाट नेपाल प्रवेश गर्नेहरुलाई राख्नको लागि वीरगंज लगायत नेपाल भारत सिमासँग जोडिएको ८ स्थानमा होल्डिङ्ग सेन्टर निर्माण गरेको हो । नेपाली सेनाको निगरानीमा बीरगंज भन्सार कार्यलयको गोदाममा करिब १ हजार व्यक्ति अटाउन सक्ने क्षमताको उक्त होल्डिङ्ग सेन्टर अहिले अलपत्र अवस्थामा छ । होल्डिङ्ग सेन्टर अहिले नेपाली सेनाको प्रत्यक्ष निगरानी छ ।
कोरोना रोकथाम तथा नियन्त्रणका लागि भारतबाट वीरगंज नाकाहँदै भित्रिने नेपाली नागरिकहरुलाई क्वारेन्टिनमा राखी खान, बस्न तथा चिकित्सँग सेवा निःशुल्क रुपमा उपलब्ध गराउने योजना अनुरुप होडिल्ङ्ग सेन्टर निमाणर् कार्य गरिएको थियो । क्वाराईन्टिनमा बस्नका लागि ५० जना अट्ने गरि २० वटा हल, एक प्रशासनीक भवन, एक सेन्ट्रल किचेन गरि कुल २२ भवनको निर्माण गरिएको छ भने सुविधायुक्त शौचालय पनि निर्माण गरिएको छ ।
कोरोनाको पहिलो तथा दाश्रो लहरमा क्वारेन्टिन अभावका कारण विद्यालय तथा कलेजहरुलाई क्वारेन्टिन बनाईएको भन्दै सरकारको निकै आलोचना भएको थियो । सोही कुरालाई मध्यनजर गर्दै नेपाल सरकारले वि.स. २०७८ वैशाख ५ गते मन्त्रीपरिषद्को निणर्य अनुरुप कोरोना रोकथाम तथा नियन्त्रणकोे उदेश्य सहित मुलुकका विभिन्न ८ नाकामा होल्डिङ सेन्टर निर्माण कार्यलाई अघि बढाएको थियो ।
२८ करोडको लागतमा १ हजार व्यक्ति अटाउन सक्ने क्षमताको होल्डिङ्ग सेन्टर निर्माण गरेको हो । वीरगंज भन्सार कार्यालयको पश्चिमपट्टिको गोदाम नजिक रहेको करिब २ विघा जग्गामा २०७८ असार २५ गतेदेखि होल्डिङ सेन्टरको निर्माण कार्य शुरु गरेको थियो । नेपाली सेनाको व्यवस्थापकीय जिम्मेवारीमा हनुमान कन्सट्रक्सन ललितपुरले उक्त ठेक्का पाएको थियो । निर्माण शुरु भएको ९ महिना अर्थात २०७८ चैत्र अन्तिम सम्ममा सम्पन्न भएको थियो । तर सरकारको त्यत्रो ठूलो लगानीमा निर्माण गरिएको होल्डिङ्ग सेन्टर प्रयोगमा आउन सकेको छैन ।
भारतबाट आउनेहरुलाई क्वारेन्टिनमा राख्नका लागि कुल ६० वटा भवन निर्माण गरिएको छ । जसमध्ये १३ वटा भान्सा घर, २२ वटा शौचालय छन् भने १ हजार व्यक्ति अट्ने गरि २२ वटा क्वारेन्टिन भवन छन् । उक्त होल्डिङ्ग सेन्टरमा राखिएको ९ सय बेडमा सामान्य लक्षण भएकाहरुलाई राखिने छ भने बाँकी १ सय वेड जटिल अवस्थाको बिरामीलाई राखिने छ । यसैगरी अन्य ३ वटा एसी सहितको भवन अनुगमन गर्न आउने सरकारी प्रतिनिधिका लागि समेत निर्माण गरिएको छ ।
यसबारे पर्साका प्रमुख जिल्ला अधिकारी हिरालाल रेग्मीले होल्डिङ्ग सेन्टर नेपाली सेनाको प्रत्यक्ष निगरानीमा रहेको बताए । उनले नेपाल सरकारको आदेशानुसार संरक्षण सम्वद्र्धन गर्नुपर्ने मात्रै भएकोले सेनालाई हस्तान्तरण गरि संरक्षणको जिम्मा लगाइएको बताए । कोरोना संक्रमणको बखत होल्डिङ्ग सेन्टर निर्माण गरिएपनि हाल त्यो प्रयोगमा नरहेपनि मुलुकमै तत्काल कुनै विपत्त, संकट आएको बखत सरकारको निर्देशनमा त्यसलाई प्रयोग गरिने बताए । संकट आउने वित्तिकै तत्कालै भौतिक संरचना निर्माण गर्न नसकिने भएको देशकै ठूलो योजनाको रुपमा रहेको होल्डिङ्ग सेन्टरलाई सरकारको निर्देशनमा कुनैपनि बखत संकट आएको बेला प्रयोग गर्न सकिने बताए । 
प्रतिक्रिया दिनुहोस् !