पिलुवा (बारा), २३ असोज । नेपालीहरुको महान चाँड दशैँ, तिहार तथा छठ पर्वलाई लक्षित गरी जिल्ला ट्राफिक प्रहरी कार्यालय बाराले यात्रु सहायता कक्ष संचालनमा ल्याएको छ । चाँडपर्वको बखत हुने गरेको भीडभाड एवं सवारी, यात्रुहरुको चापलाई मध्यनजर गर्दै सवारी दुर्घटना न्युनीकरण गर्न र यात्रुहरुको गुनासो सुन्नको लागि जिल्ला ट्राफिक प्रहरी कार्यालय बाराले बाराको पिलुवा स्थित यात्रु सहायता कक्ष सञ्चालनमा ल्याइएको हो ।
जिल्ला ट्राफिक प्रहरी कर्यलय निजगढका प्रहरी निरीक्षक राम कुमार महतोले सहायता कक्षले समस्यामा परेका यात्रुलाई सहयोग गर्ने, यात्रुलाई ठगिनबाट जोगाउने लगायतका काम गर्ने बताए । दशैँ, तिहार तथा छठ पर्वको बखत यात्रुहरूको चाप बढी हुने र चोरी लुटपाट जस्ता घटनाहरू घट्ने सम्भावनालाई मध्येनजर गर्दै चाँडपर्वलाई लक्षित गरि यात्रु सहायता कक्ष संचालनमा ल्याइएको जिल्ला ट्राफिक प्रहरी कार्यालयका प्रमुख प्रहरी निरीक्षक राम कुमार महतोले जानकारी दिए ।
चाँडपर्वको बेलामा बसपार्कमा धेरै यात्रुहरू आवतजावत गर्ने, सवारी साधनको चाँप बढ्ने, टिकट काउन्टरमा यात्रुको भीडभाड बढ्ने, बढी भाडा लिने जस्ता क्रियाकलाप हुने तथा यात्रु ठगिने कार्यलाई नियन्त्रण गर्न, यात्रुको सामान हराउने, सवारीमा क्षमताभन्दा बढी यात्रु राख्दा दुर्घटनाको जोखिम हुने लगायतका समस्या न्यूनीकरण गर्न र नागरिकको पीर मर्कालाई तत्कालै सुनुवाइ गरि समस्या समाधान गर्नका लागि यात्रु सहायता कक्ष संचालनमा ल्याइएको बताए । 
प्रतिक्रिया दिनुहोस् !