• मुस्कान श्रेष्ठ
वीरगंज (पर्सा), ८ असोज । धार्मिक र सामाजिक सद्भाव कायम राख्न वीरगंजमा बृहत सद्भाव र्याली निकालिएको छ । पछिल्लो समय सामाजिक संजालको दुरुप्योग गरी दुई धर्म तथा समूदाय बिच द्वन्द गराउने क्रम बढ्दै गएको कुरालाई मध्यनजर गर्दै वीरगंज महानगरपालिकाको नेतृत्वमा आइतबार बृहत सदभाव र्याली निकालिएको हो । वीरगंजको आदर्शनगरस्थित स्विमिङ पुल परिसर निकालिएको र्यालीले नगरको परिक्रममा गरी जिल्ला प्रशासन कार्यालय पर्सामा पुगी कोण सभाममा परिणत भएको थियो ।
सभालाई सम्बोधन गर्दै पर्सा क्षेत्र नम्बर १ का सांसद प्रदिप यादवले पछिल्लो समय वीरगंजमा दुई धर्म, समूदायबिच द्वन्द फैलाउने सड्यन्त्र भइरहेको बताए । जनताको मतबाट दुई पटक सांसदमा निर्वाचित हुँदासम्म कहिलै पनि धार्मिक विभेद नभएको बताउँदै उनले पछिल्लो समयमा सामाजिक सञ्जालमार्फत भइरहेका उच्छृंख गतिविधिको भत्सर्ना गरे ।
यस्तै, वीरगंज महानगरपालिका नगर प्रमुख राजेशमान सिंहले लामो समय देखि वीरगंजमा रहेको सदभावलाई विथाल्ने तव्तहरु सक्रिय रहेको हुँदा त्यस्ता व्यक्तिको पहिचान गरी समाजबाट बहिस्कार गर्नुपर्ने बताए । उनले धर्मकै नाममा विभेद गरेर समाजमा कलह र हिंसा पैदा गर्न खोज्नेहरुदेखि वीरगञ्जबासी सचेत छन् भन्ने सन्देश प्रवाहका लागि सद्भाव र्याली निकालिएको बताए । नगर प्रमुख सिंहले हिन्दु, मुस्लिमबीच द्वन्द गराउने खालका गतिविधिप्रति सचेत रहन आग्रह गर्दै उनले सबै धर्मको लक्ष्य भनेकै समाजमा शान्ती कायम गर्ने भएको बताए ।
यस्तै, जिल्ला प्रशासन कार्यालय पर्साका सहायक प्रमुख जिल्ला अधिकारी शिवप्रसाद लम्सालमार्फत गृहमन्त्रीलाई ज्ञापन पत्र पनि बुझाइएको छ । शान्त नगरलाई अशान्त बनाउनेहरुको पहिचान गरि कारवाही गर्न पत्रमार्फत सम्बन्धीत निकायसंग माग गरिएको छ । पर्साका सहायक प्रमुख जिल्ला अधिकारी शिव लाम्सालले ज्ञापन पत्र बुझ्दै राष्ट्र निर्माणमा जनताको भूमिका महत्वपूर्ण रहेको बताउदै मुलुकमा धार्मीक सहिषुणता र सदभाव कायम राख्न सबैलाई आग्रह गरे । उनले पछिल्लो समय वीरगञ्जमा देखिएको तनावलाई गृह मन्त्रालयमा जानकारी गराई समस्याको समाधान गर्ने प्रतिबद्धता व्यक्त गरे ।
र्यालीमा विभिन्न राजनीतिक दलका नेता तथा कार्यकर्ता, महानगरपालिकाका कर्मचारी, विधालयका शिक्षक तथा शिक्षीका सहित विभिन्न जातजातीको सहभागिता रहेको थियो । केहिदिन अघी सर्लाहीको मलंगवामा मुर्ती सेलाउने क्रममा दुई समूदाय बिच भएको झडपलाई लिएर वीरगंजमा समेत तनाव बढ्दै गएको छ । आगामी दिनहरुमा वीरगंजमा समेत धार्मीक द्वन्द चर्किन सक्ने भन्दै सचेत रहन बुद्धिजिवीहरुले सुझाव दिएका छन् । 
प्रतिक्रिया दिनुहोस् !