बारागढी (बारा), १२ साउन । दाउराले खाना पकाउँदा स्वास्थ्यमा समस्या हुने गरेको अवस्थालाई ध्यानमा राख्दै बारागढी गाउँपालिकाले पालिकाबासीलाई ग्याँस सिलिण्डर तथा चुल्होसेट वितरण गरेको छ । गाउँघरका वृद्धवृद्धा महिलाहरु दाउराबाट खाना पकाउँदा दम, खोकी जस्ता रोगको समस्या विकराल बन्दै गएको अवस्थामा गाऊँपालिकाले दाउराको सट्टा ग्यास बाल्न पालिकाले ग्यास सिलिण्डर तथा चुल्हो सेट वितरण सुरु गरेको छ ।
निर्वाचनको बेला वाचा गरेका गाऊँपालिकाका अध्यक्ष अशोक कुमार जैसवालले ५ वटै वडामा ग्यास सिलिण्डर तथा चुल्हो सेट वितरण गर्ने योजना अन्तर्गत बिहीबार र शुक्रबार वडा नं. १ को पिपरा बसतपुर टोलमा ग्याँस वितरण कार्य गरिएको हो । वडा नं. १ को ९४४ घर परिवारलाई ग्याँस सिलिण्डर वितरण गरिएको गाउँपालिकाले जनाएको छ ।
पिपरा स्थित वडा कार्यालय परिसरमा आयोजित एक कार्यक्रमबीच बिहीबार र शुक्रबार गरि दुई दिन वडा नं. १ का महिलाहरुलाई ग्याँस सिलिण्डर तथा चुल्होसेट वितरण गरिएको हो । गाउँपलिका अध्यक्ष अशोक कुमार जसयवाल तथा वडा नं. १ का वडाध्यक्ष सुरेश प्रसाद चौधरीले स्थानीयहरुलाई ग्याँस सिलिण्डर तथा चुल्होसेट वितरण गरेका थिए । कार्यक्रममा वडा नं. ३ का वडाध्यक्ष उमेश प्रसाद साह, प्रमुख प्रशासकीय.अधिकृत कमलेश कुमार मिश्र, कार्यपालिका सदस्य रामएकवाल हाजारा, धन्मनती मलाहीन, रेनु जयसवाल, हिरालाल साह, भगवान चौधरी, लेखा अधिकृत अजय चौधरी लगायतका कर्मचारी तथा जनप्रतिनिधिहरूको उपस्थितिमा वितरण गरेको हो ।
प्रतिक्रिया दिनुहोस् !