वीरगंज (पर्सा), २३ असार । युवा उद्यमी सन्दीप अग्रवाल र पङ्कज अग्रवाल वीरगञ्ज उद्योग वाणिज्य सङ्घको आमन्त्रित सदस्यमा मनोनीत भएका छन् । वीरगञ्ज उद्योग वाणिज्य सङ्घका अध्यक्ष अनिलकुमार अग्रवालले सन्दीप र पङ्कजलाई विशेष आमन्त्रित सदस्यको रूपमा मनोनीत गरेका हुन् ।
सङ्घका अध्यक्ष अनिलले सन्दीप र पङ्कज जस्ता योग्य, कुशल एवम् सक्षम व्यक्तित्वलाई सदस्यका रूपमा मनोनीत गर्न पाउँदा आफूलाई गौरवको अनुभूति भइरहेको बताएका छन् । स्यानेटरी वेयर र रीटेल व्यवसायमा आबद्ध सन्दीप नेपाली युवा उद्यमी मञ्च (एनवाइइएफ) वीरगञ्ज च्याप्टर अध्यक्ष हुन् भने प्रिनटीङ् व्यवसायमा आबद्ध रहेका पङ्कज प्रथम उपाध्यक्ष हुन् ।
सन्दीप र पङ्कजले सङ्घको सदस्यका रूपमा सर्वाङ्गीण विकास तथा यस क्षेत्रका उद्योग व्यापारलगायत उद्योगी व्यवसायीहरू समेतको हकहितको संरक्षण, संवर्द्धनमा ठोस योगदान पुर्याउने अध्यक्ष अनिलको विश्वास छ ।
प्रतिक्रिया दिनुहोस् !