वीरगंज (पर्सा), २० जेठ । वीरगंज महानगरपालिका वडा नं. ८ पानीटंकी स्थित लिटिल बडी इन्टरनेशनल प्रि स्कुलको आयोजनामा निःशुल्क आँखा शिविर सम्पन्न भएको छ । वीरगंज मेडिकेयर प्राइभेट लिमिटेडको सहयोगमा आयोजि निःशुल्क आँखा शिविरमा स्कुलका विद्यार्थी, स्टाफ एवं अभिभावकहरु गरि २ सयजना भन्दा बढिको आँखा परीक्षण गरिएको छ । चेकजाँचको क्रममा कसैको आँखामा समस्या देखिएको थिएन् ।
कार्यक्रममै सहयोगी वीरगंज मेडिकेयर प्राइभेट लिमिटेडले आँखा चेकजाँच गराउने आउने सबैलाई छुट कार्ड समेत वितरण गरेको छ । प्राप्त छुटकार्डले आँखामा कुनै किसिमको समस्या आउँदा मेडिकेयर अस्पतालमा जाँदा १० प्रतिशत छुट दिने व्यवस्था रहेको आयोजक सँस्था लिटिल बडी इन्टरनेशनल प्रि स्कुलका प्रधानाध्यापक बिजय कुमार बालले जानकारी दिए । शिविरमा डा. आदित्य तिवारी, प्रगति कणर्, अस्लम हवारी लगायतको टिमले आँखा चेकजाँच गरेको थियो ।
कार्यक्रममा रोक्ट्रक्ट क्लब अफ वीरगंज मेट्रो पोलिसको टिमले भोलेन्टियर सहयोग गरेको थियो । कार्यक्रममा प्याब्सन वीरगंजका अध्यक्ष आलोक चौरसिया, प्याब्सन पर्साका सचिव राहुल श्रीवास्तव, वीरगंज युवा समाजका सँस्थापक अध्यक्ष कमल चौगाई, नेपाल पत्रकार महासंघ पर्साका उपाध्यक्ष युवराज खड्का, लोकल नेपाल प्राइभेट लिमिटेडका सँस्थापक रवि पोखरेल, प्रकाश डान्स स्टुडियोका सँस्थापक प्रकाश कणर्, रोटे्रक्ट क्लब अफ वीरगंज मेट्रोपोलिसको सदस्य रेसु अग्रवाल लगायतको उपस्थिति रहेको थियो ।
प्रतिक्रिया दिनुहोस् !