लहान, ७ चैत / सिरहाको लहानमा रहेको सुन्दर नमुना कलेज जे. एस. मुरारका बहुमुखी क्याम्पसमा नेपाल विद्यार्थी संघ ( ने. सं घ.) प्यानल सहित विजयी भएका छन् । आइतबार भएको स्वतन्त्र विद्यार्थी युनियनको चुनावमा नेविसंघका सभापति उम्मेदवार रामकृष्ण यादव ५२३ मत प्राप्त गरि विजयी भएका छन ।
सचिव महेश कुमार साह ५६९
कोषाध्यक्ष मनिष कुमार चौधरी ७२४
सदस्यहरु:- सुस्मिता वि.क. ६७१,
रोहित कुमार राउत ६४०,
एसियन किराँती राई ६३०, यस चौधरी ६७७ , हेमु बस्नेत ६३२ , दिनेश कुमार महतो ६२१ , सुरेश कुमार राम ६१८ मतसहित पुरै प्यानल विजयी भएको सहायक क्याम्पस प्रमुख सजन कुमार साहले बताउनुभयो । नेविसंघको निकटतम प्रतिस्पर्घी संयुक्त गठबन्धन संघका उम्मेदवार सभापति चन्द्रकला बच्छार ४०९ , सचिव सिकेन्द्र कुमार सिँह ३६१ , कोषाध्यक्ष प्रभा कुमारी चौधरी ( वि. ज. स.) २२५ ल्याई प्राजित भएका छन् ।
यो सँगै आइतबार भएको स्ववियु निर्वाचनमा जम्मा २२३८ मतदाता सङ्ख्या रहेकोमा १३२७ जना विद्यार्थीले मतदान गरेका थिए। प्रतिशत आधारमा भन्दा ५९.२९% मत खसेको थियोे । जसमा ५० वटा मत बदर भएको सहायक क्याम्पस प्रमुख सजन कुमार साहले बताएका छन् । यो सँगै आइतबार भएको स्ववियु चुनावमा स्नातक वि. एड/ वि. एस्सी, वि.वि.एस. र स्नातकोत्तर एम. ए/ एम. एड. / एम.वि. एस. का छात्र छात्रा विद्यार्थीहरुले मतदान गरेको थियोे ।
यता , स्ववियु चुनावका लागि विभिन्न पार्टीका संघसंगठनहरुले सहभागीता भएको थियो । संयुक्त गठबन्धन संघ / विद्यार्थी जनमत संघ / अनेरास्ववियु / नेविसंघ लगायतका भातृ संगठनहरुले चुनावी मैदान उत्रिएका थिए । यो सँगै निर्वाचित जे. एस. मुरारका बहुमुखी क्याम्पसका सभापति रामकृष्ण यादवका अनुसार यो हाम्रो जीत मात्रै नभएर सम्पूर्ण विद्यार्थीको जीत भएको बताउनुभयो । नेविसंघको जीतले क्याम्पस अबको केही दिनमा चम्किलो आधार खडा हुने बताए । नेविसंघको जीतपछि प्यानलले विजय उत्सव मनाउँदै गीत गाँदै नाच्दै विजय उत्सव मनाई रहेको नेविसंघका अगुवा कार्यकर्ता कैलाश कुमार यादवले बताए ।
प्रतिक्रिया दिनुहोस् !