वीरगंज (पर्सा), ३० फागुन / वीरगंज उद्योग वाणिज्य संघको अध्यक्ष अनिल कुमार अग्रवाल निर्विरोध निर्वाचित भएका छन् । संघको आज सम्पन्न पदाधिकारी निर्वाचनमा सर्वसम्मत रुपमा अग्रवाल अध्यक्षमा निर्वाचित भएका हुन् ।
त्यस्तै बरिष्ठ उपाध्यक्षमा हरिप्रसाद गौतम, द्वितीय उपाध्यक्षमा माधव राजपाल, महासचिवमा आशीष कुमार लाठ, कोषाध्यक्षमा शिबजी प्रसाद साह, सचिवमा सुशान्त चाचान र प्रेमचन्द्र गोयल, सह कोषाध्यक्षमा अनोज रुंगटा, सहसचिवमा निरज अग्रवाल र नरेश कुमार टिबडेवाल निर्विरोध निर्वाचित भएका हुन् ।
नवनिर्वाचित अध्यक्ष अग्रवालले आफुलाई प्रत्यक्ष र अप्रत्यक्ष रुपले निर्वाचित गराउने सम्पूर्ण पदाधिकारी तथा कार्यसमितीलाई धन्यवाद ज्ञापन गर्दै अगामी दिनमा यसैगरी हातेमालोे गरि अगाडी बढने प्रतिब्धता ब्यक्त गर्नु भयो । संघको विद्यान बमोजिम १२ जना पदाधिकारी रहने व्यवस्था थियो । निवर्तमान अध्यक्ष स्वतः पदाधिकारीमा आउने पनि विद्यानमा व्यवस्था छ । त्यस्तै तृतीय उपाध्यक्ष अर्थात रोजगारदाता समितिको संयोजकको मनोनयन नयाँ कार्यसमितिको पहिलो बैठकले गर्ने व्यवस्था भएको प्रमुख निर्वाचन अधिकृत बालमुकुन्द खरेलले जानकारी दिए ।
प्रतिक्रिया दिनुहोस् !