पिंकी गुट्खा उद्योगमा प्रहरीको छापा

वीरगंज (पर्सा), २७ फागुन / पर्सा प्रहरीले वीरगञ्जको आदर्शनगरमा रहेको पिन्कि गुट्का उधोगमा छापा मारेको छ । जिल्ला प्रशासन कार्यालयको प्रतिनिधि सहित जिल्ला प्रहरी कार्यालय पर्साबाट खटेको टोलीले सो उधोगको गोदाममा छापामारी गरी सिल्बन्दी गरेको हो । वीरञ्ज महानगरपालिका आर्दशनगर पछाडि रहेको निरन्जन अग्रवालले संचालन गर्दै आएको उक्त उधोगको गोदाममा बिहिबार बेलुका छापामारी सिलबन्दी गरिएको जिल्ला प्रहरी कार्यालयले जनाएको छ ।
च्युगम बनाउने केमिकल आयातमा अग्रवालले राजस्व छली गरेको आंंशका प्रहरीले गोदामा छामामारी गरिएको प्रहरीको भनाइ छ । बिषय परिवर्तन गरि गुणस्तरहीन केमिकल आयात गरि चपाउने च्यूगम उत्पादन भइरहेको सुचनाका आधारमा गोदाम सिलबन्दी गरिएको प्रहरीको श्रोतको भनाइ छ । सुचनाको आधारमा छापामारी गरिएको जिल्ला प्रहरी कार्यालय पर्साका प्रवक्ता दिपक गीरीले बताए ।
अनुसन्धान भईरहेको हुनाले अहिले नै सबै कुरा भन्न नमिल्ने गीरीको प्रतिक्रिया थियो । उनले आइतबार राजश्व कार्यालय, उधोग बाणिज्य संघ लगायतका प्रतिनिधिहरुको उपस्थितीमा चेकजांच गरिने बताए। यस सम्बन्धमा उधोगपति निरन्जन अग्रवालसँग बुझन खोज्दा उनी सम्पर्कमा आउन चाहेनन् ।