ठाराब क्याम्पसमा ने.बि.संघको सदस्यता बितरण

वीरगंज (पर्सा), २९ माघ / ठाकुरराम बहुमुखी क्याम्पसमा ने.बि.संघ इकाई समितिले सदस्यता वितरण गरेको छ । क्याम्पस हाताभित्र आयोजित एक कार्यक्रमबीच क्याम्पसमा अध्ययनरत विद्यार्थीहरुलाई नेविसंघको सदस्यता वितरण गरिएको हो ।
ने.बि.संघ केन्द्रबाट आएका केन्द्रिय प्रतिनिधि सुरज सेजुवाल र अशोक बिस्टको उपस्थितिमा सदस्यता वितरण गरिएको छ । सदस्यता बितरण कार्यक्रम अन्तर्गत करिब १ हजार भन्दा बढि विद्यार्थीहरुले नेविसंघको सदस्यता लिएका छन् ।
सदस्यता वितरण कार्यक्रमलाई सम्बोधन गर्दै केन्द्रिय प्रतिनिधि सुरज सेजुवालले पर्सा जिल्लाका ने.वि.संघका कार्यकर्ताहरुको सक्रियता सह्रानीय रहेको बताए । नेपाली कांग्रेसको प्रमुख भातृ संगठन संस्थाको रुपमा रहेको नेविसंघमा निर्वाचन हुने वा नहुने भन्ने अन्योल बढिरहेका बेला महाधिवेशन तोकिएकै समयमा गर्न लागिएको जानकारी दिए ।
त्यस्तै क्याम्पसमा आयोजित अगुवा कार्यकर्ता भेलामा केन्द्रिय प्रतिनिधि अशोक बिस्टले संघीयतामा देश गएको अवस्थामा नेविसंघको विधान र नियमावलीलाई समयानुकूल बनाएर मस्यौदा तयार भइरहेको बताए । ने.वि.संघको केन्द्रिय प्रतिनिधि सुरज सेजुवालको हातबाट सदस्यता ग्रहण गर्दै राहुल कुमार गुप्ताले ठाकुरराम बहुमुखी क्याम्पसमा ने.बि.संघलाई जिताउन कम्मर कसेर लाग्ने बताए ।
सदस्यता वितरण गर्नेमा ठा.रा.ब.क्याम्पसका पुर्ब स्ववियु निर्वाचित सदस्य धर्मराज यादव, फिरोज अन्सारी, युसुफ अहमद लगायतको उपस्थिति रहेको थियो ।