• विसुनदेव सरदार
लहान (सिरहा), २८ माघ / दलित सरोकारमञ्च नेपाल कञ्चनरुप नगरपालिका – ८ सप्तरीले सिरहा जिल्लाका दलित कार्यपालिका सदस्यहरुको भेला आयोजना गरेको छ । उक्त भेलाले दलित अधिकार सुनिश्चिताका लागि सिरहाका दलित कार्यपालिका सदस्यहरुद्धारा जिल्ला स्तरीय संजाल गठन गरेको छ । सिराहाको मिर्चैया स्थित होटल होलिडेमा आयोजित कार्यक्रममा सिराहाका १७ वटै पालिकाका दलित समुदायका कार्यपालिका सदस्यहरुलाई सहभागी गराइएको थियो ।
सो कार्यक्रममा उपस्थित अधिकाँश कार्यपालिका सदस्यहरुले सिराहाका अधिकाँश दलित जनप्रतिनिधिहरुको पालिकाहरुले दलित समुदायका कार्यपालिका सदस्यहरुलाई उपेक्षा गरीरहेको पाइएको छ । दलितको अधिकार संविधानको पानासम्म मात्र सिमित रहेको उनीहरुको भनाइ थियो । दलितलाई अन्य जातिले हेर्ने नजरिया फेरिएको छैन । अहिले पनि दलित हरेक पक्षबाट पछि परिएकोमा जिम्मेवार को ? जस्ता विविध विषयमा छलफल तथा अन्तरक्रियामा उठेको थियो । यो सँगै कार्यक्रममा उपस्थित कल्याणपुर नगरपालिका र मिर्चैया नगरपालिका बाहेक १५ पालिका सदस्यहरुको अहिले अवस्था र हुनुपर्ने भुमिकाको बारेमा आआफ्नो अभिव्यक्त प्रस्तुत गरिएको छ ।
त्यसैगरी कार्यक्रममा उपस्थित १५ पालिका सिराहा नगरपालिका , लहान नगरपालिका , सखुवान्नकारकट्टी गाउँपालिका , कर्जन्हा नगरपालिका , लक्ष्मीपुर पतारी गाउँपालिका , बरियारपट्टी गाउँपालिका , नवराजपुर गाउँपालिका , औरही गाउँपालिका, विष्णुपुर गाउँपालिका, सुखिपुर नगरपालिका , अर्नमा गाउँपालिका, भगवानपुर गाउँपालिका, नरहा गाउँपालिका, धनगडीमाई नगरपालिका , गोलवजार नगरपालिका सहितका पालिका सदस्यहरुवाट सिरहाका कार्यपालिका सदस्यहरुको संजाल निर्माण गरि १७ कार्यसदस्य समिति गठन समेत गरिएको छ ।
यसैगरि सिराहा धनगढीमाई नगरपालिकाका कार्यपालिका सदस्य हिकराम विश्वकर्मा अध्यक्षतामा १७ सदस्य दलित समुदायका कार्यपालिका सदस्यहरुको जिल्ला स्तरीय संजाल, सिराहा गठन भएको छ । सो समितको उपाध्यक्षमा सिराहा नगरपालिकाका कार्यपालिका सदस्य तारा देवी सदा,सचिवमा सखुवानन्करकटी नगरपालिका कार्यपालिका सदस्य अजय कुमार दास,सहसचिवमा कर्जनाहा नगरपालिकाकी कार्यपालिका सदस्य अस्मिता कुमारी विश्वकर्मा र औरही गाउँपालिकाका कार्यपालिकाका सदस्य रामदेव राम कोषाध्यक्षमा गोलबजार नगरपालिकाका कार्यपालिका सदस्य रामप्रसाद पासवान चयन भएका छ ।
संजालका सदस्यहरुमा लक्षमीपुर पतारी गाउँपालिकाकी कार्यपालिका सदस्य अनिता देवी मण्डल,बरियारपटी गाउँपालिकाकी कार्यपालिका सदस्य बसन्ती देवी राम, नगराजपुर गाउँपालिकाकी कार्यपालिका सदस्य कुमारी देवी मण्डल,विष्णुपुर गाउँपालिकाकी कार्यपालिका सदस्य सुनिता राम,लहान नगरपालिकाकी कार्यपालिका सदस्य उर्मिला देवी दास,सुखीपुर नगरपालिकाका कार्यपालिका सदस्य सुकन मोची,अर्नामा गाउँपालिकाकी कार्यपालिका सदस्य उषा कुमारी मण्डल,भगवानपुर गाउँपालिकाकी कार्यपालिका सदस्य हिरादेवी दास र नहरा गाउँपालिकाका मुसहरु महरा रहेका छन् ।
दलित समुदायबाट निर्वाचित सिराहा जिल्ला भरीका स्थानीयतहका २ वडाअध्यक्ष र ४५ कार्यपालिका सदस्य गरी ४७ जनप्रतिनीधी सहितको भेलामा सहभागिता रहेको थियो । मधेश प्रदेशको १ सय ३६ वटै पालिकामा अभियानको रुपमा संचालन गरिने आयोजक संस्थाले जनाएको छ । उक्त समितिको सदस्यमा १७ वटै पालिकाबाट दलित समुदायका निर्वाचित जनप्रतिनिधि सदस्य छन् । कार्यक्रममा सञ्चारकर्मी नयाँ पत्रिकाका सुरेन्द्र कामती,मार्गानुगामी दैनिकका रामबाबु यादव,सगरमाथा टेलिभिजनका गणेश साह,नवसंग्राम दैनिकका विसनुदेव सरदार र धनगढीमाई नगरपालिकाका कार्यपालिका सदस्य हिकराम विश्वकर्मा लगायतले मतदाता सुचिमा समावेश हुन छुटेका दलित लगायत सीमान्तकृत समुदायको अधिकार सुनिश्चितका लागि कार्यपालिका सदस्यहरु एकजुट भएर सघर्ष गर्नुपर्ने जोड दिए ।
प्रतिक्रिया दिनुहोस् !