काठमाडौं, २७ माघ / कुवेत गएकी सिन्धुपाल्चोककी रजिना कार्की र इराक पुगेकी मिना धिमाल अहिले संकटमा छन् । रजिना सिकिस्त अवस्थामा छिन् । उनको उद्दार गरिदिन आग्रह गर्दै आफन्तहरु हाम्रो कार्यालयमा आएका छन् । मोरङ उर्लाबारीकी मिना धिमाल चाहिँ इराकमा आफू काम गर्ने कम्पनीका साहुबाट कुटपिटमा परेकी छिन् ।
सिन्धुपाल्चोक बलेफि गाउँपालिका १ की रजिना कार्की कुवेतमा बिचल्लीमा परेकी छिन् । घरेलु कामदारका रुपमा उनी कुवेतको जिलिप भन्ने स्थानमा पुगेकी छिन् । पहिले काम गर्ने घरमा घरमालिकको चर्को शोषणमा परेपछि उनी दोस्रो घरमा काम गर्न पुगिन् । तर, त्यहाँ पुगेपछि अहिले उनी बिरामी छिन् । काम गर्न सक्ने अवस्थामा पनि छैनन् । दुई महिनादेखि वेडमै थलिएकी रजिनाले आफ्नी दिदीलाई भिडियो सन्देश पठाएकी थिइन् । रजिना दिदीलाई उक्त भिडियो सन्देश पठाएपछि उनका आफन्तहरु पनि निकै तनावमा छन् । आफन्तहरु उनको उद्दारका लागि न्यूज २४ टेलिभिजनबाट संचालित ‘सिधा कुरा जनतासँग’ को सहारा खोज्दै आफन्तहरु टेलिभिजनको सम्पर्कमा आएका छन् ।
रजिना छाती दुख्ने र बेला बेला मुखबाट रगत आउने समस्याबाट अहिले प्रताडीत बनेकी छिन् । उनलाई कुन रोगको समस्या देखिएको हो ? एकिन छैन् । कारण उनले उपचार नै पाउन सकेकी छैनन् । एजेण्ट राम लामा र पूर्ण बहादुर सोटी मगरले रेजिनालाई भारतीय बाटो हुँदै कुवेतमा पुर्याएका थिए । त्यसमाथि रोजगारीका लागि भन्दै भिजिट भिसामा एजेण्टहरुले त्यहाँ पुर्याएका थिए । एजेण्ट मगर अहिले दुबईमा छन् भने लामा चाहीँ कुवेतमै छन् । यी दुबैले रजिना बिरामी पर्दा न उनको उपचारमा चासो दिएका छन् न त नेपाल फर्काउन पहल नै गरिरहेका छन् । सामान्य विरामी त जो पनि हुन्छ नि भन्दै पन्छिने गरेका छन् । उल्टै रजिनाको परिवारसँग पैशाको बार्गेनिङ गरिरहेका छन् ।
सामान्य उपचार अहिले रजिना आफैले गराएकी छिन् । तर, उनीको शल्यक्रिया गर्नुपर्ने सम्मका जटिल समस्या रहेको चिकित्सकले बताइरहेका छन् । दुइ महिना भित्र शल्यक्रिया नगरे स्वास्थ्य झन् बिग्रिने खतरा रहेको चेतावनी समेत चिकित्सकको छ । तर, यस्तो गम्भिर अवस्थामा पनि उनी उपचार नपाएर विदेशमा छट्पटिरहेकी छिन् ।
इराकबाट समेत अर्की चेलीको भिडियो सन्देश, उद्दारका लागि गुहार
यस्तै इराकबाट समेत अर्की नेपाली चेलीले उद्दारका लागि गुहार मागेकी छिन् । हाल इराकको बगदादमा रहेकी मोरङ उर्लावारीकी मिना घिमालले आफुलाई कम्पनीका मालिकले कुटपिट गरेको गरेको बताएकी छिन् । मिनाले पठाएको भिडियो सन्देशमा बताए अनुसार मालिकले उनलाई छातिमा लात्तै लात्ताले हिर्काएका छन् । भिडियोमा उनले आफुलाई इराक पुर्रयाउने एजेण्टहरुको समेत नाम बताएकी छिन् । साभार : न्यूज २४ टेलिभिजन
प्रतिक्रिया दिनुहोस् !