वीरगंज (पर्सा), २२ माघ / पर्सा प्रहरीले प्रतिबन्धित लागूऔषध सहित दुईजना युवकहरुलाई पक्राउ गरेको छ । पक्राउ पर्नेमा वीरगञ्ज महानगरपालिका वडा नम्बर २ छपकैया निवासी २८ वर्षीय ईजहार आलम र जगरनाथपुर गाउँपालिका वडा नम्बर १ विसुनपूर्वा निवासिक २० वर्षीय अबु अयुव असरफ रहेका छन् ।
वडा प्रहरी कार्यालय विर्ता र लागूऔषध नियन्त्रण व्यूरो शाखा कार्यालय वीरगंजबाट खटिएको संयुक्क्त टोलीले आइतबार दिउँसो करिब १२ बजेको समयमा वीरगंज महानगरपालिका वडा नं. १६ रजतजयन्ती चोक स्थित सडक खण्डबाट पक्राउ गरेको हो । पक्राउ परेका दुबैजना पर्सा जिल्लाकै रहेका छन् भने उनीहरुको साथबाट प्रहरीले ३ सय ५८ बोतल प्रतिबन्धित लागूऔषध अर्नेक्सको १०० एमएलको बोत्तल बरामद गरेको पर्साका प्रहरी नायब उपरीक्षक निर्मल बुढाथोकीले जानकारी दिए ।
उनका अनुसार नियमित चेकजाँको क्रममा आलम र असरफ सवार ना.२ च ७९०५ नम्बरको टाटा सुमो भिक्टा गाडीलाई रोकी कानूनी रीत पु¥याई चेकजाँच गर्दा गाडीको बर्नट भित्र सेतो प्लाष्टिकको २ वटा बोराभित्र लुकाइ छिपाइ राखिएको अवस्थामा उक्त प्रतिबन्धित लागुऔषध बरामद गरिएको डि.एस.पी. बुढाथोकीले बताए । बरामद गरिएको लागुऔषध एवं गाडी सहित पक्राउ परेका दुबैजनलाई जिल्ला प्रहरी कार्यालय पर्साको नियन्त्रणमा राखि थप अनुसन्धान भइरहेको बताए ।
प्रतिक्रिया दिनुहोस् !