• मुस्कान श्रेष्ठ
वीरगंज (पर्सा), १३ माघ / वीरगंज स्थित रुंगटा वेलफेयर सोसाईटीले ११ औँ वार्षिकोत्सव कार्यक्रम सम्पन्न गरेको छ । सोसाईटीका अध्यक्ष मुरलीधर रुंगटाद्वारा आफ्नै निवासमा आयोजित कार्यक्रमको पूर्व वनमन्त्री एवम पर्सा क्षेत्र नम्बर १ का सांसद प्रदिप यादवले उद्घाटन गरेका थिए । कार्यक्रमलाई सम्बोधन गर्दै सांसद यादवले बैंकहरुको चर्काे ब्याजदरका कारण उद्योगी व्यवसायीहरु मर्कामा परेको बताएका छन् । उनले उद्योगी व्यापारीहरुले ७ प्रतिशतमा लिएको ऋण १ वर्ष भित्रमा बैंकहरुले १५ प्रतिशतसम्म पु¥याएको हुँदा यसबाट उद्योगीहरुको ढाड सेक्ने काम भईरहेको बताए ।
सांसद यादवले बैंकहरुले दिने गरेको तनावका कारण उद्यमीहरु आत्महत्या गर्ने अवस्थामा पुगेको हुँदा सरकार यसतर्फ गम्भीर भई आवश्यक कदम चाल्नुपर्ने कुरामा जोड दिए । उनले सरकारको गलत नीतिकै कारण युवाहरु विदेश पलायन हुनुपर्ने अवस्था आएको बताए । यसैगरी पूर्व वनमन्त्री यादवले मानव सेवा नै धर्म हो भन्ने उदेश्यले रुंगटा वेलफेयर सोसाईटीले गर्दै आएको कार्य प्रशंसनीय रहेको बताए ।
वार्षिकोत्सव कार्यक्रममा शुभकामना दिदै अन्य वक्ताहरुले संस्थाले गर्दै आएको कार्यको प्रशंसा गरेका थिए । सोही अवसरमा सोसाईटीले आफ्नो ११ औँ वार्षीकोत्सवको अवसरमा १४ वटा सामुदायिक विधालयलाई १ सय थान पंखा वितरण गर्नुका साथै सोही विधालयमा अध्यन्नरत विधार्थीहरुका लागि १ हजार थान स्कूल ब्याग, १ सय दर्जन कापी उपलब्ध गराएको छ । यसैगरी निःशुल्क कृतिम हात जडानका लागि रोटरी क्लबलाई १ लाख ४० हजार रुपैयाँको चेक हस्तान्तरण गरेको छ ।
यस्तै उपकार सेवा संस्थालाई ५ थान ह्वील चेयर प्रदान गरेको छ । कार्यक्रममा वीरगञ्ज महानगरपालिका वडा नम्बर ५ का वडा अध्यक्ष प्रदिप चौरसिया, वडा नम्बर ६ का अध्यक्ष जय प्रकाश साह, वीरगञ्ज उद्योग वाणिज्य संघका अध्यक्ष सुबोध गुप्ता, पूर्व अध्यक्ष गोपाल केडिया, वरिष्ठ उद्योगी अशोक वैद्य, सुरेश रुंगटा लगायतको उपस्थिति रहेको थियो । यस संस्थाले सुरुवात देखि नै समाजमा महत्वपूर्ण योगदान पु¥याउदै आएको छ । संस्थाले प्रत्येक वर्ष छठ पर्वमा वर्तालु महिलाहरुलाई साडी लगायत पुजा सामाग्री वितरण गर्दै आएको छ । साथै वीरगञ्जस्थित नारायणी अस्पताललाई डायलासिस मेशिन जडान गर्नुका साथै कोरोना कालमा आवश्यकहरुलाई सहयोग गर्ने लगायत थुप्रै सामाजिक कार्य गर्दै आएकोे छ ।
रुंगटा वेलफेयर सोसाईटीका अध्यक्ष अध्यक्ष मुरलीधर रुंगटाको अध्यक्षतामा सम्पन्न कार्याक्रममा धन्यावाद ज्ञापन आकाश रुंगटाले गरेका थिए ।
प्रतिक्रिया दिनुहोस् !