वीरगंज (पर्सा), १० माघ / राष्ट्रिय वाणिज्य बैंकको ५८ औं बार्षिकोत्सवको अवसरमा वीरगंजमा सत्ताव्यापी कार्यक्रम सम्पन्न भएको छ । बैंकको मधेश प्रादेशिक कार्यालय वीरगंजले रक्तदान सहितको विभिन्न कार्यक्रमको आयोजना गरि सत्ताव्यापी रुपमा बार्षिकोत्सव मनाएको हो ।
बार्षिकोत्सवको अवसरमा आयोजित सत्ताव्यापी कार्यक्रमको अन्तिम दिन बैंकले वीरगंजको श्रीसिया स्थित मानव सेवा आश्रममा खाना खुवाउनुको साथै बैंकको प्रादेशिक कार्यालय आदर्शनगरमा समापन समारोहको आयोजना गरेको बैंकका आलोक कर्णले जानकारी दिए । बैंकका प्रादेशिक प्रबन्धक कमलेश ठाकुरको अध्यक्षतामा भएको कार्यक्रममा राष्ट्रिय वाणिज्य बैरुंकको शाखा कार्यालय आदर्शनगर, श्रीपुर र प्रादेशिक कार्यालय वीरगंजका कर्मचारी लगायतको सहभागिता रहेको थियो ।
बैंकको सभा हलमा आयोजित कार्यक्रममा पूर्व कर्मचारी र उत्कृष्ट कर्मचारीहरुलाई सम्मान समेत गरिएको कर्णले वताए । यस्तै बैंकले बार्षिकोत्सवको अवसरमा रक्तदान, प्रभातफेरी, विभिन्न खेलकुद लगायतको कार्यक्रम गरिएको बैंकका कर्मचारी राहुल ओझाले वताए ।
प्रतिक्रिया दिनुहोस् !