वीरगंज (पर्सा), १० माघ / वीरगंज महानगरपालिकाका उप–प्रमुख इम्तियाज आलम सहित नेपाल विधार्थी संघ पर्साका पदाधिकारीहरु नेपाली कांग्रेसका सभापति शेरबहादुर देउवासँग भेटघाट गरेका छन् । भेटघाटको क्रममा नेपाली कांग्रेसका सभापति तथा पुर्ब प्रधानमन्त्री शेरबहादुर देउवासँग वीरगंज महानगरपालिकाका उप–प्रमुख तथा नेपाली कांग्रेस पर्साका जिल्ला सचिव इम्तियाज आलमले स्थानिय, संघ र प्रदेशको चुनावको बारे जानकारी गराएका थिए ।
त्यस्तै नेपाली कांग्रेसका सभापति तथा पूर्व प्रधानमन्त्री शेरबहादुर देउवासँग नेपाल बिधार्थी संघ पर्साका पुर्व अध्यक्ष विकास तिवारीले आइरहेको स्ववियु निर्वाचनको बारेमा जानकारी गराउनुका साथै चुनावमा कसरी नेपाल विद्यार्थी संघ स्ववियुको निर्वाचनमा जित हात पार्न सफल हुन्छ त्यसको बारेमा चर्चा गरेका थिए । भेटघाटकै क्रममा नेपाली कांग्रेसका सभापति तथा पुर्ब–प्रधानमन्त्री शेर बहादुर देउवाका स्वकीय सचिव तथा नेपाली कांग्रेसका युवा नेता भानु देउवासँग समसामायिक राजनितिक बिषयमा छलफल भएको थियो ।
त्यसतै भेटघाटको क्रममा नेपाली कांग्रेस भक्तपुरका जिल्ला सभापति तथा प्रभावशाली नेता माननीय सांसद दुर्लभ थापा र वीरगंज महानगरका उप– प्रमुख तथा नेपाली कांग्रेस पर्साका सचिव इम्तियाज आलमबीच समसामायिक राजनीतिक विषयमा छलफल भएको थियो । छलफलमा नेपाली कांग्रेस पर्साका जिल्ला सह–सचिव नवीन रौतहटका जिल्ला सह–सचिव फिरोज आलम लगायत पर्साका नेपाली कांग्रेसका युवा नेताहरुको उपस्थिति थियो ।
प्रतिक्रिया दिनुहोस् !