विद्यालय व्यवस्थापन समिति गठनका लागि भेलामा सहमति नजुट्दा अनिश्चितकालका लागि स्थगित

वीरगंज (पर्सा), २५ पुस / श्रीराम चारित्र भगत माध्यमिक विद्यालय पकहामैनपुरको विद्यालय ब्यवस्थापन समिति गठनका लागि भएको अभिभावक भेलामा सहमति नजुट्दा अनिश्चितकालका लागि स्थगित भएको छ । विद्यालय प्राङ्गणमा भएको भेलामा १ सय ५ जना अभिभावक मध्ये ८१ जनाले बिद्यालय ब्यवस्थापन समितिका अध्यक्षका लागि उम्मेदवारी दिएपछि सहमति जुट्न नसकेर स्थगित गरिएको विद्यालयका प्रधानाध्यापक छोटेलाल साहले जानकारी दिए ।
पकहामैनपुर गाउँपालिका अन्तर्गत रहेका १ देखि ५ वडाका ८१ जनाले उम्मेदवारी घोषणा गरेका थिए । घोषणा गरेका प्रत्येक वडाका उम्मेदवारहरुलाई वडा स्तरमा पहिला सहमति जुटाउन समय दिइएकोमा वडा स्तरीय उम्मेदवारहरुमा नै सहमति नजुटेका कारण स्थगित गरिएको हो । वडा नं. १ बाट सतिस मेहता, सिन्धु मेहता, लालबाबु सहनी, कौशलकिशोर साह, राजकुमार सहनी, वडा नं. २ बाट हरिचन्दर पटेल, उमेश कुमार महतो, लक्ष्णदेव साह, वडा नं. ३ बाट रामनाथ प्रसाद साह, खुबलाल राउत कुर्मी, रमछत्री चौहान, अनिरुद चौहान, सुकदेव महतो चाई, दिनेश साह कानु, वडा नं. ४ बाट अनिल प्रसाद तेली, अयोध्या चौहान, राजेश कुमार कुर्मी, गोबिन्द यादव, मकसुल अन्सारी, बृजकिशोर यादव लगायत ८१ जनाले उम्मेदवारी दिइएका थिए ।
१६ सय तीन बिधार्थी संख्या रहेको विद्यालयमा ब्यवस्थापन समिति गठनका लागि १ सय ५ मात्रै अभिभावकको उपस्थिति रहेको थियो । ९ बर्ष अगाडि देखि विद्यालय ब्यवस्थापन समिति विहीन रहेको विद्यालयमा आवश्यक धेरै कुरा गर्न नसकिएको शिक्षकहरु बताएका छन् । सहमति नभए कुनै न कुनै माध्यमबाट विद्यालय ब्यवस्थापन समिति गठन हुनुपर्ने अभिभावकहरुको मांग छ । ग्रामीण भेगको सबै भन्दा पुरानो विद्यालयमा शिक्षाको स्तर गुणस्तरीय बनाउन बिद्यालय ब्यवस्थापन समिति आवश्यक रहेको बुद्धिजीविहरुले बताएका छन् ।
प्रधानाध्यापक साहको अध्यक्षतामा आयोजित भेलामा पकहामैनपुर गाउँपालिकाका अध्यक्ष सुरेश मेहता, उपाध्यक्षका प्रतिनिधि नसुरुल्लाह मियाँ, वडा नं. १ का वडाध्यक्ष बिनोद मेहता, २ का वडाध्यक्ष मुकुट चौहान, ३ का वडाध्यक्ष संजय चौहान, ४ का वडाध्यक्ष ढेडी यादव, ५ का वडाध्यक्ष बलिराम चौरसिया सहित अभिभावक, बुद्धिजीवीहरु, शिक्षाप्रेमी, समाजसेवी, चान्दादाता तथा शिक्षकहरुको सहभागिता रहेको थियो ।