• मुस्कान श्रेष्ठ
वीरगंज (पर्सा), १३ पुस / मुलुकको आर्थिक नगरी वीरगंज यतीबेला मनोरंजनतर्फ आकर्षित भएको छ । अब एडभेन्चरकै लागि भनेर युवाहरुलाई बाहिर जानु पर्दैन । वीरगंजमा रहेर पनि राजधानी काठमाण्डौँ, पोखरा लगायतका पर्यटर्कीय क्षेत्रहरुमा रहेका एडभेन्चर अर्थात साहसिक खेलहरुको मज्जा लिन सक्ने वातावरण बन्दै गैरहेको छ । वीरगंजका ५ उद्योगी व्यवसायहिरुको संयुक्त लगानीमा बालबालिका देखि वृद्धसम्मलाई लक्षित गरि वल्र्ड अफ वन्डर्स संचालनमा आएको छ । उक्त पार्कको वीरगंज महानगरपालिकाका नगर प्रमुख राजेशमान सिंहले एक समारोह बीच उद्घाटन गर्नुभएको थियो । बालबालिका तथा युवाहरुका लागि निकै आर्कषक तथा एडभेन्चर खेलहरु व्यवस्था रहेको वल्र्ड अफ वन्डर्सका संचालक शौरब केडिया जानकारी दिनुहुन्छ ।
करिब डेढ बिघा क्षेत्रफलमा रहेको फनपार्कमा स्लिङ सट, प्याडल बोट, नकआउट रन, ह्युमन गाईरो स्कोप, पेन्डुलम, ५२ मिटर अग्लो जिपलाईन, साईकल जिपलाईन, सुपरम्यान, रक क्लाईम्बीङ, प्याराजम्प लगायत थुप्रै आकर्षित तथा सहासिक खेलहरु रहेको छ । साथै क्रिकेट, भलीबल, टेनिस लगायत स्पोर्टसहरुको पनि व्यवस्था छ । केडियाले लगानी धेरै भएपनि सबै वर्गलाई लक्षित गरेर विभिन्न खेलहरुको मूल्य राखिएको बताउनुभयो । यहाँ २ सय देखि २ हजार सम्म तिरेर खेलहरु खेल्न सकिने केडियाको भनाई छ । यो पार्क निर्माणमा एडभेन्चर, अम्युजमेन्ट र स्पोर्टस गरी ३ वटा क्षेत्रलाई प्राथमिकता दिईएको हुनाले कुनै एक उमेर समुहका लागि मात्र नभई बालबालिका देखि वृद्धवृद्धासम्मलाई हुने गरी संचालनमा ल्याएको संचालक केडियाले बताउनुभयो ।
वीरगंज आर्थिक नगरी भएको हुँदा विदाको समयमा परिवारहरुले आफ्नो बालबालिका सहित रमाईलो गर्न र समय बिताउन निश्चित ठाउँ नभएकोले यो पार्क संचालन गरिएको अर्का संचालक हेमन्त बैद्यले बताउनुभयो । पार्क संचालनको सुरुवातमा ३० जनाले रोजगारी पाएको उहाँकोे भनाई छ । मधेश प्रदेशमै सबैभन्दा ठूलो आउट डोर फन पार्कको रुपमा वल्र्ड अफ वन्डर्स संचालनमा आएको वैद्यले दााबी गर्नुभयो । वीरगंजमा यस्ता मनोरञ्जन पार्क तथा साहसक खेलहरु हुनु निकै खुसीको कुरो भएको वीरगंजका उद्यागपति अशोक वैद्यले बताउनुभयो ।
प्रतिक्रिया दिनुहोस् !