• मुस्कान श्रेष्ठ
वीरगंज (पर्सा), ८ पुस / लामो समयदेखि कोरोनाका कारण धराशयी बनेको होटल व्यवसाय नेपाल जेसिसको ४९ औँ राष्ट्रिय महाधिवेशनले वीरगंजका होटलहरु भरिभराउ भएका छन् ।
महाधिवेशनमा सहभागी जनाउन देशका विभिन्न जिल्लाहरुबाट आउनुभएका अध्यक्ष तथा पदाधिकारीहरुको उपस्थितिले यतिबेला होटलहरु भरिभराउ भएका हुन् । वीरगंजस्थित होटल भिष्वामा बिहीबार देखि सुरु भएको उक्त कार्यक्रम शनिबार सकिदै छ । जेसिसले आफ्ना प्रतिनिधि लगायतका पदाधिकारीहरुलाई बस्नका लागि वीरगंजको विभिन्न ठाउँका होटलको व्यवस्था गरेको छ ।
यतिमात्र नभई उम्मेदवारहरुको प्रचारप्रसारका लागि होटललगायत ठाउँठाउँमा ब्यानरहरु समेत झुण्डयाईएको छ । कोरोना रोकथाम तथा नियन्त्रणका लागि लगाईएको लकडाउनले थलो परेको होटलहरु चलायमान भएको होटल तथा पर्यटन व्यवसायी संघ वीरगंजका अध्यक्ष हरि पन्तले जानकारी दिए । उनले एकैपटक यति धेरै पाहुना आउनाले वीरगंजका होटलहरु भरिएको हुँदा होटल व्यवासयीहरुमा खुसी छाएको बताए ।
सोही क्रममा नेपाल जेसिसको ४९ औँ राष्ट्रिय महाधिवेशनको अवसरमा विभिन्न जिल्लाहरुबाट आएका पाहुँनाहरुलाई होटल तथा पर्यटन व्यवसायी संघ वीरगंजले स्वागत गरेको छ । नेपाल जेसिसद्वारा आज निकालिएको ¥यालीमा संघका अध्यक्ष हरी पन्त लगायत वीरगंजका होटल व्यवसायीहरुले घण्टाघरमा पाहुनाहरुलाई फुलमाला लगाएर स्वागत गरेका थिए । ४९ औँ राष्ट्रिय महाधिवेशनका लागि वीरगंज चयन गरेकामा होटल व्यवसायीहरुले नेपाल जेसिसलाई धन्यवाद ज्ञापन गरेका थिए । साथै उनीहरुको स्वागतमा वीरगंजका प्रत्येक होटलहरुमा ब्यानर समेत झुण्डयाईएको होटल तथा पर्यटन व्यवसायी संघ वीरगंजका अध्यक्ष पन्तले बताए । उनले जेसिसको महाधिवेशनको कारण वीरगंजका होटललाई ठूलो सहयोग पुगेको पनि बताए । वीरगंजमा यस्ता खालका राष्ट्रियस्तरका कार्यक्रमको आयोजना हुनु सम्पूर्ण वीरगंजबासीको गौरवको विषय भएको अध्यक्ष पन्तको भनाई छ ।
यद्यपी पछिल्लो समय छिमेकी मुलुक भारत र चिनमा कोरोना संक्रमण पुनः बढ्दै गईरहेको हुँदा आफूहरु चिन्तित बनको पन्तले बताए ।
प्रतिक्रिया दिनुहोस् !