१५ लाखको गँहु र सखर सहित टयाक्टर प्रहरीको नियन्त्रणमा

वीरगंज (पर्सा), २३ मंसिर / पर्सा प्रहरीले अवैध रुपमा भित्राउदै गरेकोे १५ लाख मूल्य बराबरको समानसहित टयाक्टर नियन्त्रणमा लिएको छ । मधेश प्रदेश प्रहरी कार्यालय जनकपुर र जिल्ला प्रहरी कार्यालय पर्साबाट खटिएको संयुक्त प्रहरी टोलीले पर्साको छिपहरमाई गाउँपालिका वडा नं.२ टिउकी स्थित सडकखण्डमा ना.२ त ४०३६ नम्बर सोनालिका ट्याक्टरलाई नियन्त्रणमा लिएको हो ।
भारतबाट भन्सार छली गँहु तथा सखर नेपालतर्फ भित्राउँदै गरेको सूचनाको पाए लगतै उक्त टयाकटरको चेकजाँच गर्दा टयाक्टरको एउटा टेलरमा २ सय ३० क्वीन्टल गहुँ र अर्को टेलरमा ८० क्वीन्टल सखर तथा एउटा खाली टेलर रहेकोे अवस्थामा फेला पारेको जिल्ला प्रहरी कार्यालय पर्साका प्रहरी नायब उपरीक्षक निर्मल बुढाथोकीले जानकारी दिए ।
नियन्त्रणमा लिएको टेलर तथा ट्याक्टरमा लोड रहेको मालबस्तुहरूको रु. १५ लाख मूल्यांकन गरी आवश्यक कारवाहीका लागि वीरगञ्ज भन्सार कार्यालयमा बुझाइएको प्रहरी प्रवक्ता समेत रहेका बुढाथोकीले बताए ।