• हरिशंकर शर्मा
वीरगंज (पर्सा), ६ मंसिर / पर्सा क्षेत्र नं. १ को प्रतिनिधिसभा सदस्य तर्फ जसपा–एमाले गठबन्धनका उम्मेदवार प्रदीप यादवको अग्रता कायमै छ भने स्वतन्त्र उम्मेदवार अजय द्विवेदीले उनलाई पछ्याई रहेका छन् । पर्सा क्षेत्र नं. १ को हालसम्मको मत परिणाम अनुसार जसपा – एमाले गठबन्धनका तर्फबाट जसपाका उम्मेदवार प्रदीप यादवले ५ हजार ९८० मत प्राप्त गरेका छन् भने उनलाई पछ्याई रहेका स्वतन्त्र उम्मेदवार अजय द्विवेदीले ४ हजार ५०२ मत प्राप्त गरेका छन् ।
यसैगरि पर्सा क्षेत्र नं. २ मा सत्ता गठबन्धनका उम्मेदवार अजय चौरसिया अग्र स्थानमा छन् भने उनलाई जसपा एमाले गठबन्धनका उम्मेदवार सुरेन्द्र कुर्मीले पछ्याई रहेका छन् । हालसम्मको प्राप्त मत परिणाम अनुसार सत्ता गठबन्धनको तर्फबाट नेपाली काँग्रेसका उम्मेदवार अजय चौरसियाले ८ हजार १ मत प्राप्त गरेका छन् भने उनलाई पछ्याई रहेका जसपा एमाले गठबन्धनको तर्फबाट जसपाका उम्मेदवार सुरेन्द्र कुर्मीले ५ हजार ७३३ मत प्राप्त गरेका छन् ।
यसैगरि पर्सा क्षेत्र नं. ३ मा सत्ता गठबन्धनका उम्मेदवार सुरेन्द्र चौधरी अग्र स्थानमा छन् भने जसपा एमाले गठबन्धनका उम्मेदवार राजकुमार गुप्ताले पछ्याई रहेका छन् । हालसम्म प्राप्त मत परिणाम अनुसार सत्ता गठबन्धनको तर्फबाट नेपाली काँग्रेका उम्मेदवार सुरेन्द्र कुर्मीले ४ हजार १८ मत प्राप्त गरेका छन् भने जसपा एमाले गठबन्धनबाट नेकपा एमालेका उम्मेदवार राजकुमार गुप्ताले ३ हजार ९९१ मत प्राप्त गरि चौधरीलाई पछ्याई रहेका छन् ।
त्यसैगरि पर्सा क्षेत्र नं. ४ मा सत्ता गठबन्धनबाट नेपाली काँग्रेसका उम्मेदवार रमेश रिजाल अग्र स्थानमा छन् भने जसपा एमाले गठबन्धनको तर्फबाट नेकपा एमालेका उम्मेदवार जालिम मियाँले पछ्याई रहेका छन् । हालसम्म प्राप्त मत परिणाम अनुसार सत्ता गठबन्धनका उम्मेदवार रमेश रिजालले ११ हजार २८४ मत प्राप्त गरेका छन् भने जसपा एमाले गठबन्धनका उम्मेदवार जालिम मियाँले ९ हजार ६६२ मत प्राप्त गरि रिजाललाई पछ्याई रहेका छन् ।
यता प्रदेशसभा सदस्य तर्फ पर्सा क्षेत्र नं. १ को (क) सत्ता गठबन्धनको तर्फबाट नेकपा माओवादी केन्द्रका उम्मेदवार रहबर अन्सारी अग्र स्थानमा छन् भने उनलाई स्वतन्त्र उम्मेदवार जन्नत अन्सारी पछ्याई रहेका छन् । हालसम्म प्राप्त मत परिणाम अनुसार सत्ता गठबन्धनका उम्मेदवार रहबर अन्सारी ३ हजार ५६१ मत प्राप्त गरेका छन् भने उनलाई पछ्याई रहेका स्वतन्त्र उम्मेदवार जन्नत अन्सारी २ हजार ९०१ मत प्राप्त गरेका छन् । यता जसपा – एमाले गठबन्धनका उम्मेदवार विचारी यादवले २ हजार २३ मत प्राप्त गरेका छन् ।
यसैगरि पर्साको क्षेत्र नं. १ को (ख) तर्फ जसपा – एमाले गठबन्धनका उम्मेदवार लालबाबु राउतको अग्रता कायमै छ भने उनलाई सत्ता गठबन्धन नेपाली काँग्रेसका उम्मेदवार रामनारायण कुर्मीले पछ्याई रहेका छन् । प्राप्त मत परिणाम अनुसार लालबाबु राउत गद्दीले ४ हजार ४७० मत प्राप्त गरेका छन् भने रामनारायण कुर्मीले ३ हजार ३११ मत प्राप्त गरि पछ्याई रहेका छन् । यसैगरि हाम्रो नेपाली पार्टीका उम्मेदवार ओमप्रकाश सर्राफले १ हजार १३४ मत प्राप्त गरेका छन् ।
यसैगरि पर्सा क्षेत्र नं. २ को (क) तर्फ सत्ता गठबन्धनका उम्मेदवार श्याम पटेल अग्र स्थानमा छन् भने उनलाई जसपा एमाले गठबन्धनका उम्मेदवार रामनरेश यादवले पछ्याई रहेका छन् । प्राप्त मत परिणाम अनुसार सत्ता गठबन्धनका उम्मेदवार श्याम पटेलले ७ हजार ९२४ मत प्राप्त गरेका छन् भने उनलाई पछ्याई रहेका जसपा एमाले गठबन्धनका उम्मेदवार रामनरेश यादवले ५ हजार ६६३ मत प्राप्त गरेका छन् । पर्सा क्षेत्र नं. २ को (ख) तर्फ स्वतन्त्र उम्मेदवार रुपेशमान सिंह अग्र स्थानमा छन् भने सत्ता गठबन्धनका उम्मेदवार रमेश कुर्मीले उनलाई पछ्याई रहेका छन् । प्राप्त मत परिणाम अनुसार स्वतन्त्र उम्मेदवार रुपेशमान सिंहले ३ हजार ७९२ मत प्राप्त गरेका छन् भने सत्ता गठबन्धनका उम्मेदवार रमेश कुर्मीले ३ हजार ५०९ मत प्राप्त गरेका छन् ।
यता पर्सा क्षेत्र नं. ३ को (क) तर्फ स्वतन्त्र उम्मेदवार प्रमोद कुमार जयसवाल अग्र स्थानमा छन् भने उनलाई अर्का स्वतन्त्र उम्मेदवार निरराज गिरीले पछ्याई रहेका छन् । प्राप्त मत परिणाम अनुसार प्रमोद जयसलले २ हजार ७०० मत प्राप्त गरेका छन् भने उनलाई पछ्याई रहेका अर्का स्वतन्त्र उम्मेदवार निरराज गिरीले १ हजार ५५६ मत प्राप्त गरेका छन् ।
यसैगरि पर्सा क्षेत्र नं. ३ को (ख) तर्फ सत्ता गठबन्धनका उम्मेदवार जनाद्र्धन सिंह क्षेत्र अग्र स्थानमा छन् भने उनलाई जसपा एमाले गठबन्धनकी उम्मेदवार मधु गुप्ता पछयाई रहेकी छिन् । प्राप्त मत परिणाम अनुसार सत्ता गठबन्धनका उम्मेदवार क्षेत्रीले ३ हजार ७४९ मत प्राप्त गरेका छन् भने उनलाई पछ्याई रहेकी जसपा एमाले गठबन्धनकी उम्मेदवार मधु गुप्ताले २ हजार २६६ मत प्राप्त गरेकी छिन् ।
पर्सा क्षेत्र नं. ४ को (क) तर्फ सत्ता गठबन्धनका उम्मेदवार शंकर चौधरी अग्र स्थानमा छन् भने उनलाई जसपा एमाले गठबन्धनका उम्मेदवार जयप्रकाश थारुले पछ्याई रहेका छन् । प्राप्त मत परिणाम अनुसार सत्ता गठबन्धनका उम्मेदवार शंकर चौधरीले ९ हजार ७३३ मत प्राप्त गरेका छन् भने उनलाई पछ्याई रहेका जसपा एमाले गठबन्धनका उम्मेदवार जयप्रकाश थारुले ७ हजार ८१ मत प्राप्त गरेका छन् ।
त्यसैगरि पर्सा क्षेत्र नं. ४ को (ख) तर्फ जसपा एमाले गठबन्धनका उम्मेदवार सिंघासन साह कलवार अग्र स्थानमा छन् भने स्वतन्त्र उम्मेदवार प्रह्लाद साह कानुले उनलाई पछ्याई रहेका छन् । प्राप्त मत परिणाम अनुसार सिंघासन साह कलवार ९ हजार ४९९ मत प्राप्त गरेका छन् भने उनलाई पछ्याई रहेका प्रह्लाद साह कानुले ७ हजार २५१ मत प्राप्त गरेका छन् ।
प्रतिक्रिया दिनुहोस् !