• मुस्कान श्रेष्ठ
वीरगंज (पर्सा), २९ कात्तिक / आगामी प्रतिनिधि तथा प्रदेश सभाको निर्वाचन नजिकीदै गर्द दल तथा स्वतन्त्र उम्मेदवारहरुले चुनावी प्रचार प्रसारको कार्यक्रमलाई तिब्रता दिएका छन् । सोही क्रममा पर्सा क्षेत्र नम्बर २ मा सत्ता गठबन्धनका उम्मेदवार अजय चौरसियाले घरदैलो कार्यक्रमलाई निरन्तरता दिएका छन् । उनले मतदाताहरुलाई भेट्दै आफूलाई मत दिएर विजयी बनाउन आग्रह गरेका छन् । नेपाली कांग्रेसका केन्द्रीय सदस्य समेत रहेका उम्मेदवार चौरसियाले घरदैलो कार्यक्रममा मतदाताहरुबाट पाएको माया र आशिर्वादले यसपटकको निर्वाचनमा भारी मतका साथ विजयी हुनेमा विश्वस्त रहेको बताए ।
उनले २०७४ को निर्वाचनबाट निर्वाचित भएका जनप्रतिनिधिहरुले जनतालाई ठूल्ठूला आशवासनहरु दिएको तर काम भने केही नगरेको बताए । मतदाताहरुले आफ्नो क्षेत्रमा विकास गर्ने विश्वासका साथ मत दिएपनि यहाबाट निर्वाचित भएका जनप्रतिनिधिहरुले आफ्नो व्यक्तिगत विकास गरेपनि यो ५ वर्षको अवधीमा जनताको जिवसस्तर उकास्न कुनै पहल र प्रयास नगरेको बताए । उम्मेदवार चौरसियाले अहिलेपनि पर्सा क्षेत्र २ को शिक्षा र स्वास्थ्य क्षेत्र ध्वस्त रहेको भन्दै आफू निर्वाचित भएपश्चात शैक्षिक क्षेत्रलाई गुणस्तर बनाउने प्रतिबद्धता व्यक्त गरे । उनले बेरोजगारीको कारण ठूलो युवा जनशक्ति विदेशीनु परेको हुँदा युवालाई रोजगारी प्रदान गर्नुका साथै युवा जनशक्तिलाई कृषीतर्फ आर्कषित हुने खालको योजनाहरु ल्याउने बताए ।
यसैगरी उनले अहिले मुलुकमा सबैभन्दा ठूलो समस्या नागरिकताको रहेको हुँदा आगामी निर्वाचन पश्चात नेपाली कांग्रेसको सरकार बन्ने र पहिलो काम नागरिकता विधेयक प्रमाणीकरण गर्ने रहेको बताए । सत्ता गठबन्धनका उम्मेदवार चौरसियाले विगत झैँ सोझासाझा जनतामा भ्रममा पारेर मत माग्ने अवस्था नरहेको भन्दै उम्मेदवार भन्दा बढी बुद्धिमान र चनाखो जनता भएको बताए । आफू बोलेर होईन गरेर देखाउने नेता भएको हुँदा पर्सा २ को समग्र विकासका लागि आफूलाई मतदान गर्न आग्रह गरे ।
प्रतिक्रिया दिनुहोस् !