बारागढी गाउँपालिकाको चरम लापरवाही, म्याद नाघेको किट्नाशक औषधी छर्कदै

• हरिशंकर शर्मा
खोपवा (बारा), २४ कात्तिक / बारागढी गाउँपालिकाले ६ वर्ष अघि म्याद नाघि सकेको लामखुट्टेको लार्भा मार्ने औषधी छर्कि रहेको अवस्थामा स्थानीयले नियन्त्रणमा लिएका छन् । लामखुट्टे लार्भा मार्ने किट्नाशक औषधी पालिका भरिकै वडाहरुमा छर्कि रहेको अवस्थामा वडा नं. १ मा पुग्दा त्यहाँका बुद्धिजिवि युवाहरुले म्याद नाघेको किट्नाशक औषधी पाएपछि नियन्त्रणमा लिएको हो ।
उनीहरुले ५० ग्रामको १ सय ४० प्याकेट किट्नाशक औषधी नियन्त्रणमा लिएको हो । पालिका भरि नै छर्किनका लागि जिल्ला जनस्वास्थ्य कार्यालयबाट ४ सय प्याकेट म्याद नाघेको औषधी ल्याइएकोमा १४० प्याकेट औषधी नियन्त्रणमा लिइएको स्थानीय जोतिलाल साहले जानकारी दिए ।
जनवरी २०१४ मा उत्पादन भई जनवरी २०१६ मा म्याद नाघी सकेको ‘रिवाइवल १०० डब्लु.पि.’, किट्नाशक औषधी छर्कि रहेको अवस्थामा औषधी छर्कनेलाई नियन्त्रणमा लिएर त्यसको साथमा रहेको १४० प्याकेट औषधी नियन्त्रणमा लिइएको बताए । यो जनस्वास्थ्य प्रयोगको लागि विश्व स्वास्थ्य संगठनले सिफारिस गरेको किट्नाशक औषधी हो । तर म्याद नाघेको ६ वर्ष भइसकेको औषधी छर्केर स्वास्थ्य व्यक्तिलाई पनि रोगी बनाउने काम पालिकाले गरि रहेको स्थानीइहरुले जानकारी दिएका छन् ।
एक ट किट्नाश औषधी आफै जहर हुन्छ, त्यसमा प्रष्ट लेखिएका हुन्छ ‘बालबालिकाको पहुँच भन्दा टाढा राख्नु होला’ तर पालिकाको स्वास्थ्य शाखा प्रमुख ओमप्रकाश चौधरी जस्ता गैर जिम्मेवार व्यक्तिको कारण यो औषधीबाट पालिकाका कति जनाको स्वास्थ्य स्थिति विग्रने हो, अनुमान लगाउन सकिने अवस्था छैन ।
म्याद नाघेको ६ वर्ष भइसकेको यो किट्नाशक औषधी पूर्ण रुपमा ‘जहर’ भइसकेको छ । यो औषधी छर्किदा हावाको माध्यमबाट बालबालिका, वृद्धवृद्धाको स्वास्थ्यमा कस्तो प्रभाव पर्छ भन्ने हामी सहजै अनुमान गर्न सकिन्छ । एक त विषादी किट्नाशक औषधी, पूर्ण रुपमा जहर भइसकेको यो औषधी हावामा छर्किदा त्यो हावालाई स्वाँस प्रस्वाँस मार्फत सर्वसाधारणको शरिरमा जाँदा गम्भिर नोक्सानी गर्ने चिकित्सकको भनाई छ ।
लमखुट्टेको लार्भा मार्ने औषधी भनेर सर्वसाधारणलाई मार्ने औषधी छर्कि रहेको त्यहाँका स्थानीयहरुको भनाई छ । पालिकाले यसरी गैर जिम्मेवार, लापरवाही कसरी गर्न सक्छ ? भन्दै स्थानीय जोतिलाल साहले स्वास्थ्य शाखाका प्रमुख ओमप्रकाश चौधरीमाथि छानविन हुनुका साथै कारवाही हुनुपर्ने बताए । स्वास्थ्य प्रमुख चौधरीले औषधीको बजेट कुम्ल्याउनका लागि पुरानै स्टकमा रहेको औषधी छर्केर हजारौं सर्वसाधारणको जीवनसँग खेलवाड गर्न खोजेको बताइएको छ । यसबारे स्वास्थ्य प्रमुख ओमप्रकाश चौधरीको मोबाइल नं. ९८५११४४२०४ मा सम्पर्क गर्दा खोज्दा सम्पर्क हुन सकेन ।